నానాటికిఁ బెరిగీని నరసింహము
(॥పల్లవి॥)
నానాటికిఁ బెరిగీని నరసింహము
ఆనుక వరములిచ్చీ నౌభళపుసింహము
(॥నానా॥)
వేఁడి ప్రతాపముతోడ విభవాలు మెరయుచు
మూఁడుమూర్తు లొక్కటైన ముఖ్యసింహము
వాఁడివాఁడి కోరలతో వడి నసురఁ జక్కాడి
తీఁడేటి మీసాలతోడి దేవదేవసింహము
(॥నానా॥)
సరుస శంఖచక్రాది సకలాయుధాలు వట్టి
పరబ్రహ్మమే తానైన పటుసింహము
వరుసఁ గొలువులు దేవతలెల్లాఁ జేయఁగాను
తిరమైన కృపతోడి దివ్యసింహము
(॥నానా॥)
కేలి సింహాసనముపై కిరీటము ధరియించి
చాలు వేయిచేతుల కాంచనసింహము
పాలించి ప్రహ్లాదుని భక్తుల పాలిటి కిలు-
వేలుపై శ్రీసతితో శ్రీవేంకటాద్రి సింహము
(||pallavi||)
nānāḍigim̐ bĕrigīni narasiṁhamu
ānuga varamulichchī naubhaḽabusiṁhamu
(||nānā||)
vem̐ḍi pradābamudoḍa vibhavālu mĕrayusu
mūm̐ḍumūrdu lŏkkaḍaina mukhyasiṁhamu
vām̐ḍivām̐ḍi koralado vaḍi nasuram̐ jakkāḍi
tīm̐ḍeḍi mīsāladoḍi devadevasiṁhamu
(||nānā||)
sarusa śhaṁkhasakrādi sagalāyudhālu vaṭṭi
parabrahmame tānaina paḍusiṁhamu
varusam̐ gŏluvulu devadalĕllām̐ jeyam̐gānu
tiramaina kṛpadoḍi divyasiṁhamu
(||nānā||)
keli siṁhāsanamubai kirīḍamu dhariyiṁchi
sālu veyisedula kāṁchanasiṁhamu
pāliṁchi prahlāduni bhaktula pāliḍi kilu-
velubai śhrīsadido śhrīveṁkaḍādri siṁhamu