నాలో నున్నాఁడవు నన్నుఁ గావ(క) నీకుఁ బోదు
(॥పల్లవి॥)
నాలో నున్నాఁడవు నన్నుఁ గావ(క) నీకుఁ బోదు
యీలీలఁ బట్టుచీరెరవిచ్చిన వానివలె
(॥నాలో॥)
చుట్టుకొంటిఁ గర్మములు సొరిదిఁ బసిరికాయ
నట్టనడిమి పురువునడకవలె
వట్టిజాలిఁ దిరిగితి వడిఁ బంచేంద్రియముల
పట్టిన నీటిలో జలభ్రమణమువలెను
(॥నాలో॥)
ధరలోనఁ బుట్టి పుట్టి తగ వచ్చినందే వచ్చి
వరుస రాట్నపుగుండ్రవలె నైతిని
అరసి నే నంటుకొంటి అంగనల పొందులను
చొరఁబారి వేలుకాడే సూదిరాతివలెను
(॥నాలో॥)
అంతటను స్వర్గనరకాదిలోకాలు మెట్టితి
బంతిగట్టి నురిపెడి పసురమునై
చెంతల శ్రీవేంకటేశ చేరితి నీవద్ద నేఁడు
వంతుకుఁ గామధేనువు వద్ది దూడవలెను
(||pallavi||)
nālo nunnām̐ḍavu nannum̐ gāva(ka) nīgum̐ bodu
yīlīlam̐ baṭṭusīrĕravichchina vānivalĕ
(||nālo||)
suṭṭugŏṁṭim̐ garmamulu sŏridim̐ basirigāya
naṭṭanaḍimi puruvunaḍagavalĕ
vaṭṭijālim̐ dirigidi vaḍim̐ baṁcheṁdriyamula
paṭṭina nīḍilo jalabhramaṇamuvalĕnu
(||nālo||)
dharalonam̐ buṭṭi puṭṭi taga vachchinaṁde vachchi
varusa rāṭnabuguṁḍravalĕ naidini
arasi ne naṁṭugŏṁṭi aṁganala pŏṁdulanu
sŏram̐bāri velugāḍe sūdirādivalĕnu
(||nālo||)
aṁtaḍanu svarganaragādilogālu mĕṭṭidi
baṁtigaṭṭi nuribĕḍi pasuramunai
sĕṁtala śhrīveṁkaḍeśha seridi nīvadda nem̐ḍu
vaṁtugum̐ gāmadhenuvu vaddi dūḍavalĕnu