(॥పల్లవి॥)
నాకుఁ జెప్పరె వలపు నలుపో తెలుపో
నూకి పోవఁగరాదు నుయ్యా కొండో
(॥నాకు॥)
పొలఁతి మరునికి వెరవ పులియా యెలువో
వులుకుఁదుమ్మిదమోఁత వురుమో మెరుమో
తిలకింపఁ జందనము తేలో పామో
యెలమిఁ గోవిలకూఁత యేదో పోదో
(॥నాకు॥)
పొదలిన చలిగాలి పొగయో వగయో
వదలిన కన్నీరు వాఁగో వంతో
వుదరమునఁ బన్నీరు వుడుకో మిడుకో
యెదుటఁ దలవంచుకొనుటెగ్గో సిగ్గో
(॥నాకు॥)
అసమశరుపై పరపుటదనో పదనో
పసగలవానిమోవి పంచదారో తేనో
అసమగతి వానిరాక ఆదోపాదో
రసికు వేంకటేశు పొందు రాజ్యమో లక్ష్మో
(||pallavi||)
nāgum̐ jĕpparĕ valabu nalubo tĕlubo
nūgi povam̐garādu nuyyā kŏṁḍo
(||nāgu||)
pŏlam̐ti marunigi vĕrava puliyā yĕluvo
vulugum̐dummidamom̐ta vurumo mĕrumo
tilagiṁpam̐ jaṁdanamu telo pāmo
yĕlamim̐ govilagūm̐ta yedo podo
(||nāgu||)
pŏdalina saligāli pŏgayo vagayo
vadalina kannīru vām̐go vaṁto
vudaramunam̐ bannīru vuḍugo miḍugo
yĕduḍam̐ dalavaṁchugŏnuḍĕggo siggo
(||nāgu||)
asamaśharubai parabuḍadano padano
pasagalavānimovi paṁchadāro teno
asamagadi vānirāga ādobādo
rasigu veṁkaḍeśhu pŏṁdu rājyamo lakṣhmo