(॥పల్లవి॥)
నాకుఁ గల పని యిదె నారాయణుఁడ నీవు
శ్రీకాంతుడవు నాకు సిద్ధించుకొరకు
(॥నాకు॥)
జలధివంటిది సుమీ చంచలపు నామనసు
కల వింద్రియముల నేటిజలచరములు
వొలసి భక్తెనెడి వోడ యెక్కితి నేను
జలశాయి నీవ నేటిసరకు దెచ్చుటకు
(॥నాకు॥)
కొండవంటిది సుమీ కొనకెక్కు నామనసు
వుండుఁ గామాదులను వురుమృగములు
వుండి నీశరణమను వూఁత గొని యెక్కితిని
కొండలప్ప నీవనేటి కొనఫలముకొరకు
(॥నాకు॥)
టీవులను ధరణివంటిది సుమీ నామనసు
నీవె శ్రీవేంకటేశ నిక్షేపము
వావాత నీవనేటి వసిదవ్వి కైకొంటి
భూవిభుఁడ నీవనేటి పురుషార్థము
(||pallavi||)
nāgum̐ gala pani yidĕ nārāyaṇum̐ḍa nīvu
śhrīgāṁtuḍavu nāgu siddhiṁchugŏragu
(||nāgu||)
jaladhivaṁṭidi sumī saṁchalabu nāmanasu
kala viṁdriyamula neḍijalasaramulu
vŏlasi bhaktĕnĕḍi voḍa yĕkkidi nenu
jalaśhāyi nīva neḍisaragu dĕchchuḍagu
(||nāgu||)
kŏṁḍavaṁṭidi sumī kŏnagĕkku nāmanasu
vuṁḍum̐ gāmādulanu vurumṛgamulu
vuṁḍi nīśharaṇamanu vūm̐ta gŏni yĕkkidini
kŏṁḍalappa nīvaneḍi kŏnaphalamugŏragu
(||nāgu||)
ṭīvulanu dharaṇivaṁṭidi sumī nāmanasu
nīvĕ śhrīveṁkaḍeśha nikṣhebamu
vāvāda nīvaneḍi vasidavvi kaigŏṁṭi
bhūvibhum̐ḍa nīvaneḍi puruṣhārdhamu