(॥పల్లవి॥)
నాకు నాకే వెరగయ్యీ నన్నుఁ జూచి
పైకొని మరుఁడు సేసే భ్రమత గాఁబోలును
(॥నాకు॥)
పులకించితి నింతె పూవుల మొగ్గలు రాలీ
కలికి వసంతము గాఁబోలు
పలికితి నింతె నేను పైకొనీ కెంజాయకెంపు
కలయగ నెరసంజ గాబోలును
(॥నాకు॥)
విందుల నవ్వితి నింతె వెన్నెలపొలపుగాని
కందువ చంద్రోదయము గాఁబోలును
ముందరఁ జూచితి నింతె ముంపు దామెరలు రాలీ
దిందుపడి యింతలోనె తెల్లవారఁబోలును
(॥నాకు॥)
చెమరించితి నింతె నేసముత్యములు రాలీ
తమి శ్రీవెంకటపతి దగ్గరఁ బోలు
అమరఁ గూడితి నింతె ఆతఁడు మేను మరచె
సమమోహములలోని సందడి గాఁబోలును
(||pallavi||)
nāgu nāge vĕragayyī nannum̐ jūsi
paigŏni marum̐ḍu sese bhramada gām̐bolunu
(||nāgu||)
pulagiṁchidi niṁtĕ pūvula mŏggalu rālī
kaligi vasaṁtamu gām̐bolu
paligidi niṁtĕ nenu paigŏnī kĕṁjāyagĕṁpu
kalayaga nĕrasaṁja gābolunu
(||nāgu||)
viṁdula navvidi niṁtĕ vĕnnĕlabŏlabugāni
kaṁduva saṁdrodayamu gām̐bolunu
muṁdaram̐ jūsidi niṁtĕ muṁpu dāmĕralu rālī
diṁdubaḍi yiṁtalonĕ tĕllavāram̐bolunu
(||nāgu||)
sĕmariṁchidi niṁtĕ nesamutyamulu rālī
tami śhrīvĕṁkaḍabadi daggaram̐ bolu
amaram̐ gūḍidi niṁtĕ ādam̐ḍu menu marasĕ
samamohamulaloni saṁdaḍi gām̐bolunu