(॥పల్లవి॥)
నాకేల విచారము నాకేల యాచారము
సాకిరైనవాఁడ నింతే సర్వేశుఁడే దిక్కు
(॥నాకే॥)
ప్రపంచ మధీనము పాలుపడ్డ దేహమిది
ప్రపంచముతోడి పాటు పరగీని
యెపుడూ నీయాతుమ యీశ్వరాధీనము
అపు డాతఁ డెట్టునిచె నట్టె అయ్యీని
(॥నాకే॥)
కర్మాన కధీనము కలిములు లేములు
కర్మమెట్టు గల్పించెఁ గలిగీని
అర్మిలి నాయాచార్యు నధీనము మోక్షము
ధర్మ మతని కృపను తానే వచ్చీని
(॥నాకే॥)
చిత్తమున కధీనము చిల్లరయింద్రియములు
చిత్తము చిక్కినప్పుడు చిక్కీనవి
హత్తి శ్రీవేంకటేశుదాస్య మధీనము జన్మము
పొత్తుల నందుకు నది పూఁచినట్టయ్యీని
(||pallavi||)
nāgela visāramu nāgela yāsāramu
sāgirainavām̐ḍa niṁte sarveśhum̐ḍe dikku
(||nāge||)
prabaṁcha madhīnamu pālubaḍḍa dehamidi
prabaṁchamudoḍi pāḍu paragīni
yĕbuḍū nīyāduma yīśhvarādhīnamu
abu ḍādam̐ ḍĕṭṭunisĕ naṭṭĕ ayyīni
(||nāge||)
karmāna kadhīnamu kalimulu lemulu
karmamĕṭṭu galbiṁchĕm̐ galigīni
armili nāyāsāryu nadhīnamu mokṣhamu
dharma madani kṛpanu tāne vachchīni
(||nāge||)
sittamuna kadhīnamu sillarayiṁdriyamulu
sittamu sikkinappuḍu sikkīnavi
hatti śhrīveṁkaḍeśhudāsya madhīnamu janmamu
pŏttula naṁdugu nadi pūm̐sinaṭṭayyīni