Maajhyaa maraathee maateechaa, laavaa lalaataas tilaa

Title (Indic)	माझ्या मराठी मातीचा, लावा ललाटास टिळा
Work	(N/A)
Language	Hindi

Credits
Role	Artist
Writer	Kusumagraj

Lyrics

Hindi

माझ्या मराठी मातीचा, लावा ललाटास टिळा
हिच्या संगाने जागल्या, दर्‍याखोर्‍यांतील शिळा

हिच्या कुशीत जन्मले, काळे कणखर हात
ज्यांच्या दुर्दम धीराने, केली मृत्यूवरी मात

नाही पसरला कर, कधी मागायास दान
स्वर्णसिंहासनापुढे, कधी लवली ना मान

हिच्या गगनांत घुमे, आद्य स्वातंत्र्याची द्वाही
हिच्या पुत्रांच्या बाहूंत, आहे समतेची ग्वाही

माझ्या मराठी मातीला, नका म्हणू हीन दीन
स्वर्गलोकाहून थोर, मला हिचे महिमान

रत्नजडित अभंग, ओवी अमृताची सखी
चारी वर्णांतुनी फिरे, सरस्वतीची पालखी

रसरंगात भिजला, येथे शृंगाराचा स्वर
येथे अहंता द्रवली, झाले वसुधेचे घर

माझ्या मराठी मातीचा, नका करू अवमान
हिच्या दारिद्य्रात आहे, भविष्याचे वरदान

माझ्या मराठी मातीचा, लावा ललाटास टिळा
हिच्या संगे जागतील, मायदेशांतील शिळा

English

mājhyā marāṭhī mātīchā, lāvā lalāṭās ṭiḻā
hichyā saṅgāne jāgalyā, dar‍yākhor‍yāṅtīl śhiḻā

hichyā kuśhīt janmle, kāḻe kaṇkhar hāt
jyāṅchyā durdam dhīrāne, kelī mṛtyūvrī māt

nāhī pasarlā kar, kadhī māgāyās dān
svarṇsiṅhāsnāpuḍhe, kadhī lavlī nā mān

hichyā gagnāṅt ghume, ādy svātaṅtryāchī dvāhī
hichyā putrāṅchyā bāhūṅt, āhe samtechī gvāhī

mājhyā marāṭhī mātīlā, nakā mhṇū hīn dīn
svarglokāhūn thor, malā hiche mahimān

ratnajḍit abhaṅg, ovī amṛtāchī sakhī
chārī varṇāṅtunī phire, sarasvtīchī pālkhī

rasraṅgāt bhijlā, yethe śhṛṅgārāchā svar
yethe ahaṅtā dravlī, jhāle vasudheche ghar

mājhyā marāṭhī mātīchā, nakā karū avmān
hichyā dāridyrāt āhe, bhaviṣhyāche vardān

mājhyā marāṭhī mātīchā, lāvā lalāṭās ṭiḻā
hichyā saṅge jāgtīl, māydeśhāṅtīl śhiḻā