(॥పల్లవి॥)
ముట్టితేనె ముయిముచ్చటలూ
ఱట్టు సేయ నాఱడిదాననా
(॥ముట్టి॥)
గక్కన నీతనిఁ గన్నులఁ జూచిన
పిక్కటిల్లె నిదె పెంజెమట
చెక్కడచితేను చేటఁడు వలపులు
వొక్కమాటె నే నోపుదునా
(॥ముట్టి॥)
నవ్వి యితనితో ననుపులు సేసిన
పువ్వకపూచెను పులక లివి
రవ్వగాఁ బెనఁగితే రాసెఁడు తమకము
జవ్వనము మోవఁ జాలుదునా
(॥ముట్టి॥)
కాఁగిట నితనిఁ గలసితి నిందుకు
చేఁగలు దేరెను చిత్తమిది
వీఁగఁ డితఁడు శ్రీవెంకటేశ్వరుఁడు
నీఁగని చలములు నేరుతునా
(||pallavi||)
muṭṭidenĕ muyimuchchaḍalū
ṟaṭṭu seya nāṟaḍidānanā
(||muṭṭi||)
gakkana nīdanim̐ gannulam̐ jūsina
pikkaḍillĕ nidĕ pĕṁjĕmaḍa
sĕkkaḍasidenu seḍam̐ḍu valabulu
vŏkkamāḍĕ ne nobudunā
(||muṭṭi||)
navvi yidanido nanubulu sesina
puvvagabūsĕnu pulaga livi
ravvagām̐ bĕnam̐gide rāsĕm̐ḍu tamagamu
javvanamu movam̐ jāludunā
(||muṭṭi||)
kām̐giḍa nidanim̐ galasidi niṁdugu
sem̐galu derĕnu sittamidi
vīm̐gam̐ ḍidam̐ḍu śhrīvĕṁkaḍeśhvarum̐ḍu
nīm̐gani salamulu nerudunā