ముప్పిరిగొనెఁగా మేలు ముదితలాల
(॥పల్లవి॥)
ముప్పిరిగొనెఁగా మేలు ముదితలాల
తిప్పరాని తమి తరితీపులతో మించెనే
(॥ముప్పిరి॥)
సొలసి చీఁకటిమాను చుక్కలతో మాటాడగాఁ
వెలి మెరుఁగుఁజంద్రుఁడు వెన్నెల గాసె
బలిమి నీరెండుఁ జూచి పంతమున వేరె తెల్లఁ
గలువలేమిటికి చెంగలువలాయనే
(॥ముప్పిరి॥)
గక్కన నిండుమొయిలు గాలివాన గురియఁగా
చిక్కులువడక తీగె చెంగలించెను
తక్కక వొండొంటితో దప్పిదేరఁ బొరుగున
నెక్కువెట్టి చెరకువిండ్లేకతమేలాడెనే
(॥ముప్పిరి॥)
కావించి నీలపుఁ గొండ కళలు పైఁ జల్లఁగాను
సోవలఁ బైఁడియేరు జోడుగూడెను
శ్రీ వెంకటేశుఁడు ప్రేమ చిలుకనెదఁ బెట్టితే
పావురమట్టె బుజముపై నేలకొనెనే
(||pallavi||)
muppirigŏnĕm̐gā melu mudidalāla
tipparāni tami taridībulado miṁchĕne
(||muppiri||)
sŏlasi sīm̐kaḍimānu sukkalado māḍāḍagām̐
vĕli mĕrum̐gum̐jaṁdrum̐ḍu vĕnnĕla gāsĕ
balimi nīrĕṁḍum̐ jūsi paṁtamuna verĕ tĕllam̐
galuvalemiḍigi sĕṁgaluvalāyane
(||muppiri||)
gakkana niṁḍumŏyilu gālivāna guriyam̐gā
sikkuluvaḍaga tīgĕ sĕṁgaliṁchĕnu
takkaga vŏṁḍŏṁṭido dappideram̐ bŏruguna
nĕkkuvĕṭṭi sĕraguviṁḍlegadamelāḍĕne
(||muppiri||)
kāviṁchi nīlabum̐ gŏṁḍa kaḽalu paim̐ jallam̐gānu
sovalam̐ baim̐ḍiyeru joḍugūḍĕnu
śhrī vĕṁkaḍeśhum̐ḍu prema siluganĕdam̐ bĕṭṭide
pāvuramaṭṭĕ bujamubai nelagŏnĕne