ముందటిజన్మములెల్లా ముంచెఁ బారుబడి వడ్డి
(॥పల్లవి॥)
ముందటిజన్మములెల్లా ముంచెఁ బారుబడి వడ్డి
యెందు చొచ్చినానుఁ బోనియ్య దీరుణము
(॥ముంద॥)
నుదుట వ్రాసినవ్రాలు నూరేండ్లపత్రము
పొదలు నాకర్మమే పూఁటకాఁపు
వెదకి సంసారము వెంటఁ బైతరవు
యిది యెందుచొచ్చినాఁ బోనియ్య దీరుణము
(॥ముంద॥)
పుట్టినప్పుడే తనువు భోగ్యమై నిలిచెను
జట్టిఁ గామినులపొందు సరియాఁకలు
నెట్టన యాహరములు నిచ్చినిచ్చ లంచాలు
దిట్టనై యెందు చొచ్చినాఁ దీర దీరుణము
(॥ముంద॥)
యెక్కువైనశ్రీవేంకటేశుమఱఁగు చొచ్చి
తెక్కుతోడ సలిగెల దిరుగఁగను
అక్కరతో నప్పులెల్లా నవి మాకుఁ దామచ్చి
చిక్కి యెందు చొచ్చినాఁ జేరు నీరుణము
(||pallavi||)
muṁdaḍijanmamulĕllā muṁchĕm̐ bārubaḍi vaḍḍi
yĕṁdu sŏchchinānum̐ boniyya dīruṇamu
(||muṁda||)
nuduḍa vrāsinavrālu nūreṁḍlabatramu
pŏdalu nāgarmame pūm̐ṭagām̐pu
vĕdagi saṁsāramu vĕṁṭam̐ baidaravu
yidi yĕṁdusŏchchinām̐ boniyya dīruṇamu
(||muṁda||)
puṭṭinappuḍe tanuvu bhogyamai nilisĕnu
jaṭṭim̐ gāminulabŏṁdu sariyām̐kalu
nĕṭṭana yāharamulu nichchinichcha laṁchālu
diṭṭanai yĕṁdu sŏchchinām̐ dīra dīruṇamu
(||muṁda||)
yĕkkuvainaśhrīveṁkaḍeśhumaṟam̐gu sŏchchi
tĕkkudoḍa saligĕla dirugam̐ganu
akkarado nappulĕllā navi māgum̐ dāmachchi
sikki yĕṁdu sŏchchinām̐ jeru nīruṇamu