ముగురము జాణలమే మోహమెవ్వరి దనేది
(॥పల్లవి॥)
ముగురము జాణలమే మోహమెవ్వరి దనేది
నిగిడి నామోము చూచి నీవేల లోఁగేవు
(॥ముగు॥)
యింతి తెంకాయ కానుక యిచ్చె నీవు గైకొంటివి
యింతలేసి యాపె కుచాలివి యంటాను
సంతమై యిద్దరి సన్న సరికి బేసికి వచ్చె
అంతటి మీ నేరుపుల కట్టె నేను మెచ్చితి
(॥ముగు॥)
దొండపండు కానుకిచ్చె తోడ నీ వందుకొంటివి
దండ నిటువంటిదె యధరమనుచు
దండి మీపొదరులవి తాసుగట్లెయు నాయ
అండ నుందానఁ గాన అట్టె నేమెచ్చితి
(॥ముగు॥)
పువ్వుగుత్తి కానుకిచ్చెఁ బుచ్చుకొని కూడితివి
జవ్వనము ఆపెకు యీజాడ దంటాను
అవ్వలి మోమైవుండి అప్పుడె శ్రీవెంకటేశ
యివ్వలఁ గాఁగిలించి మీయిద్దరి మెచ్చితిని
(||pallavi||)
muguramu jāṇalame mohamĕvvari danedi
nigiḍi nāmomu sūsi nīvela lom̐gevu
(||mugu||)
yiṁti tĕṁkāya kānuga yichchĕ nīvu gaigŏṁṭivi
yiṁtalesi yābĕ kusālivi yaṁṭānu
saṁtamai yiddari sanna sarigi besigi vachchĕ
aṁtaḍi mī nerubula kaṭṭĕ nenu mĕchchidi
(||mugu||)
dŏṁḍabaṁḍu kānugichchĕ toḍa nī vaṁdugŏṁṭivi
daṁḍa niḍuvaṁṭidĕ yadharamanusu
daṁḍi mībŏdarulavi tāsugaṭlĕyu nāya
aṁḍa nuṁdānam̐ gāna aṭṭĕ nemĕchchidi
(||mugu||)
puvvugutti kānugichchĕm̐ buchchugŏni kūḍidivi
javvanamu ābĕgu yījāḍa daṁṭānu
avvali momaivuṁḍi appuḍĕ śhrīvĕṁkaḍeśha
yivvalam̐ gām̐giliṁchi mīyiddari mĕchchidini