ముదిత చిత్తమునకు మొక్కరమ్మా
(॥పల్లవి॥)
ముదిత చిత్తమునకు మొక్కరమ్మా
తుదలేని పతినిదె తోడి తెంచెనిపుడు
(॥ముదిత॥)
పొలఁతి గుబ్బలనెడి పొడపు గుబ్బలిమీఁది-
మొలకచందురునకు మొక్కరమ్మా
నెలవుగఁ దనపతి నిద్దిరించే యింటిలోన
వెలయు వెన్నెలతీగె వెంటఁదెచ్చె నిపుడు
(॥ముదిత॥)
వనిత కన్నులనేటి వనజదళములపై
మొన చెంగలువలకు మొక్కరమ్మా
పెనగొన్న తనవిభ పెదపెద కన్నుల
గొనకొన్న పొందులెల్లఁ గొంటవచ్చె నిపుడు
(॥ముదిత॥)
అంచగమనకుఁ దొడవైన జవ్వాది నీట
ముంచిన మేనితావికి మొక్కరమ్మా
యెంచరాని తిరువేంకటేశుఁ గూడి యాతనిఁ
లంచపుఁ గౌఁగిటితావి లంకెఁ బెట్టె నిపుడు
(||pallavi||)
mudida sittamunagu mŏkkarammā
tudaleni padinidĕ toḍi tĕṁchĕnibuḍu
(||mudida||)
pŏlam̐ti gubbalanĕḍi pŏḍabu gubbalimīm̐di-
mŏlagasaṁdurunagu mŏkkarammā
nĕlavugam̐ danabadi niddiriṁche yiṁṭilona
vĕlayu vĕnnĕladīgĕ vĕṁṭam̐dĕchchĕ nibuḍu
(||mudida||)
vanida kannulaneḍi vanajadaḽamulabai
mŏna sĕṁgaluvalagu mŏkkarammā
pĕnagŏnna tanavibha pĕdabĕda kannula
gŏnagŏnna pŏṁdulĕllam̐ gŏṁṭavachchĕ nibuḍu
(||mudida||)
aṁchagamanagum̐ dŏḍavaina javvādi nīḍa
muṁchina menidāvigi mŏkkarammā
yĕṁcharāni tiruveṁkaḍeśhum̐ gūḍi yādanim̐
laṁchabum̐ gaum̐giḍidāvi laṁkĕm̐ bĕṭṭĕ nibuḍu