ముద్దుగారే యశోద ముంగిటి ముత్యము వీఁడు
(॥పల్లవి॥)
ముద్దుగారే యశోద ముంగిటి ముత్యము వీఁడు
తిద్దరాని మహిమల దేవకిసుతుఁడు
(॥ముద్దు॥)
అంతనింత గొల్లెతల అరచేతి మాణికము
పంతమాడే కంసుని పాలి వజ్రము
కాంతుల మూఁడులోకాల గరుడపచ్చఁబూస
చెంతల మాలోనున్న చిన్నికృష్ణుఁడు
(॥ముద్దు॥)
రతికేలి రుక్మిణికి రంగు మోవి పగడము
మితి గోవర్ధనపు గోమేధికము
సతమై శంఖచక్రాల సందుల వైడూర్యము
గతియై మమ్ముఁ గాచేటి కమలాక్షుఁడు
(॥ముద్దు॥)
కాళింగుని తలల పైఁ గప్పిన పుష్యరాగము
యేలేటి శ్రీవేంకటాద్రి యింద్రనీలము
పాలజలనిధిలోనఁ బాయని దివ్యరత్నము
బాలుని వలెఁ దిరిగీఁ బద్మనాభుఁడు
(||pallavi||)
muddugāre yaśhoda muṁgiḍi mutyamu vīm̐ḍu
tiddarāni mahimala devagisudum̐ḍu
(||muddu||)
aṁtaniṁta gŏllĕdala arasedi māṇigamu
paṁtamāḍe kaṁsuni pāli vajramu
kāṁtula mūm̐ḍulogāla garuḍabachcham̐būsa
sĕṁtala mālonunna sinnikṛṣhṇum̐ḍu
(||muddu||)
radigeli rukmiṇigi raṁgu movi pagaḍamu
midi govardhanabu gomedhigamu
sadamai śhaṁkhasakrāla saṁdula vaiḍūryamu
gadiyai mammum̐ gāseḍi kamalākṣhum̐ḍu
(||muddu||)
kāḽiṁguni talala paim̐ gappina puṣhyarāgamu
yeleḍi śhrīveṁkaḍādri yiṁdranīlamu
pālajalanidhilonam̐ bāyani divyaratnamu
bāluni valĕm̐ dirigīm̐ badmanābhum̐ḍu