ముద్దుగారఁగా నిదె ముంగిట నిలుచున్నాఁడు
(॥పల్లవి॥)
ముద్దుగారఁగా నిదె ముంగిట నిలుచున్నాఁడు
వొద్దికేఁగి చెలులెల్ల వూరడించరే
(॥ముద్దు॥)
వేఁకువజామున లేచి వేడుక క్రిష్ణుఁడు తల్లి
ఆంకలయ్యీ ననుచు వొయ్యనె మంచము దిగి
కాంకలతో వసివాడి కన్నులు పులుముకొంటా
యేఁకరుచు నున్నవాఁడు యెత్తుకోరే బిడ్డని
(॥ముద్దు॥)
బాలులతో వూరనెల్లఁ బరువులు వెట్టి పెట్టి
చాలుకొని యాడి యాడి జామెక్కంగా వచ్చి
కేలుచాఁచి వెన్నడిగి కిందుపడీ యంతలో
బేలులై వుండఁగనేల పెట్టరే బిడ్డనికి
(॥ముద్దు॥)
మట్టమద్యాన్నపువేళ మలయుచు నింటిలోనే
చట్టులపెరుగు వేండీ చాలఁ బెట్టరే మీరు
పట్టపుశ్రీవేంకటాద్రిపై కీలుకొనె నిదె
అట్టిట్టనక వీని నాదరించరే
(||pallavi||)
muddugāram̐gā nidĕ muṁgiḍa nilusunnām̐ḍu
vŏddigem̐gi sĕlulĕlla vūraḍiṁchare
(||muddu||)
vem̐kuvajāmuna lesi veḍuga kriṣhṇum̐ḍu talli
āṁkalayyī nanusu vŏyyanĕ maṁchamu digi
kāṁkalado vasivāḍi kannulu pulumugŏṁṭā
yem̐karusu nunnavām̐ḍu yĕttugore biḍḍani
(||muddu||)
bālulado vūranĕllam̐ baruvulu vĕṭṭi pĕṭṭi
sālugŏni yāḍi yāḍi jāmĕkkaṁgā vachchi
kelusām̐si vĕnnaḍigi kiṁdubaḍī yaṁtalo
belulai vuṁḍam̐ganela pĕṭṭare biḍḍanigi
(||muddu||)
maṭṭamadyānnabuveḽa malayusu niṁṭilone
saṭṭulabĕrugu veṁḍī sālam̐ bĕṭṭare mīru
paṭṭabuśhrīveṁkaḍādribai kīlugŏnĕ nidĕ
aṭṭiṭṭanaga vīni nādariṁchare