ముచ్చుఁగన్న తల్లి చేరి మూలకు నొదిగినట్టు
(॥పల్లవి॥)
ముచ్చుఁగన్న తల్లి చేరి మూలకు నొదిగినట్టు
తెచ్చిన సంబళ మెల్లఁ దీరుఁబో లోలోనె
(॥ముచ్చు॥)
దప్పముచెడినవాని తరుణి కాఁగిటఁ జేరి
అప్పటప్పటికి నుస్సు రనినయట్టు
వొప్పయిన హరిభక్తి వొల్లనివాని యింటి-
కుప్పలైన సంపదలు కుళ్లుఁబో లోలోనె
(॥ముచ్చు॥)
ఆఁకలి చెడినవాని అన్నము కంచములోన
వోఁకిలింపుచు నేల నొలికినట్టు
తేఁకువైన హరిభక్తి తెరువుగానని వాని-
వేఁకపు సిరులు కొంపవెళ్లుఁబో లోలోనె
(॥ముచ్చు॥)
వొడలుమాసినవాని వొనరుఁజుట్టములెల్ల
బడిబడినే వుండి పాసినయట్టు
యెడయక తిరువేంకటేశుఁ దలఁచనివాని-
ఆడరుబుద్ధులు పగలౌఁబో లోలోననె
(||pallavi||)
muchchum̐ganna talli seri mūlagu nŏdiginaṭṭu
tĕchchina saṁbaḽa mĕllam̐ dīrum̐bo lolonĕ
(||muchchu||)
dappamusĕḍinavāni taruṇi kām̐giḍam̐ jeri
appaḍappaḍigi nussu raninayaṭṭu
vŏppayina haribhakti vŏllanivāni yiṁṭi-
kuppalaina saṁpadalu kuḽlum̐bo lolonĕ
(||muchchu||)
ām̐kali sĕḍinavāni annamu kaṁchamulona
vom̐kiliṁpusu nela nŏliginaṭṭu
tem̐kuvaina haribhakti tĕruvugānani vāni-
vem̐kabu sirulu kŏṁpavĕḽlum̐bo lolonĕ
(||muchchu||)
vŏḍalumāsinavāni vŏnarum̐juṭṭamulĕlla
baḍibaḍine vuṁḍi pāsinayaṭṭu
yĕḍayaga tiruveṁkaḍeśhum̐ dalam̐sanivāni-
āḍarubuddhulu pagalaum̐bo lolonanĕ