(॥పల్లవి॥)
మోవిపై వీడెపు కెంపు ముచ్చటాడఁగ
చేవవచ్చి చిగురు పైఁ జిమ్మి రేఁగీనే
(॥మోవి॥)
వానగుబ్బలమీఁద వల్లెవాటుగా జార-
వేసిన వయ్యెదకొంగు వెంటఁ దూలఁగ
తీసిన ఘాతల ముద్దుఁదీగె చందురులమీఁదఁ
గానేటి వెన్నెలవలెఁ గానవచ్చీనే
(॥మోవి॥)
వేఁకపు నెరులకొప్పు వెక్కసపు విరులతో
తేఁకువమీరఁగఁ గడు దీపించఁగా
చీఁకటిలోపల మించు చిన్నిచిన్ని వెన్నెలలు
తోఁకచుక్కలై చూడఁ దొంగలించీనే
(॥మోవి॥)
పాదముల దాటించు పసిఁడి మట్టెల మోఁత
మోదపు కంకణరవముల మీరఁగా
గాదిలి నీ కౌఁగిటి వేంకటపతిమీఁదిపాట
వేదముల మీరినట్లు వెదచల్లీనే
(||pallavi||)
movibai vīḍĕbu kĕṁpu muchchaḍāḍam̐ga
sevavachchi siguru paim̐ jimmi rem̐gīne
(||movi||)
vānagubbalamīm̐da vallĕvāḍugā jāra-
vesina vayyĕdagŏṁgu vĕṁṭam̐ dūlam̐ga
tīsina ghādala muddum̐dīgĕ saṁdurulamīm̐dam̐
gāneḍi vĕnnĕlavalĕm̐ gānavachchīne
(||movi||)
vem̐kabu nĕrulagŏppu vĕkkasabu virulado
tem̐kuvamīram̐gam̐ gaḍu dībiṁcham̐gā
sīm̐kaḍilobala miṁchu sinnisinni vĕnnĕlalu
tom̐kasukkalai sūḍam̐ dŏṁgaliṁchīne
(||movi||)
pādamula dāḍiṁchu pasim̐ḍi maṭṭĕla mom̐ta
modabu kaṁkaṇaravamula mīram̐gā
gādili nī kaum̐giḍi veṁkaḍabadimīm̐dibāḍa
vedamula mīrinaṭlu vĕdasallīne