మొత్తకురే యమ్మలాల ముద్దులాఁడు వీఁడె
(॥పల్లవి॥)
మొత్తకురే యమ్మలాల ముద్దులాఁడు వీఁడె
ముత్తెమువలె నున్నాఁడు ముద్దులాఁడు
(॥మొత్త॥)
చక్కని యశోద దన్ను సలిగతో మొత్తరాఁగా
మొక్కఁబోయీఁ గాళ్లకు ముద్దులాఁడు
వెక్కసాన రేపల్లె వెన్నలెల్లా మాపుదాఁకా
ముక్కున వయ్యంగఁదిన్న ముద్దులాఁడు
(॥మొత్త॥)
రువ్వెడితాళ్లఁదల్లిరోలఁ దన్నుఁ గట్టెనంటా
మువ్వల గంటలతోడి ముద్దులాఁడు
నవ్వెడిఁ జెక్కులనిండా నమ్మిక బాలునివలె
మువ్వురలో నెక్కుడైన ముద్దులాఁడు
(॥మొత్త॥)
వేల సంఖ్యల సతుల వెంటఁ బెట్టుకొని రాఁగా
మూలఁ జన్ను గుడిచీ నీముద్దులాఁడు
మేలిమి వెంకటగిరి మిఁద నున్నాఁడిదె వచ్చె
మూల భూతి దానైన ముద్దులాఁడు
(||pallavi||)
mŏttagure yammalāla muddulām̐ḍu vīm̐ḍĕ
muttĕmuvalĕ nunnām̐ḍu muddulām̐ḍu
(||mŏtta||)
sakkani yaśhoda dannu saligado mŏttarām̐gā
mŏkkam̐boyīm̐ gāḽlagu muddulām̐ḍu
vĕkkasāna reballĕ vĕnnalĕllā mābudām̐kā
mukkuna vayyaṁgam̐dinna muddulām̐ḍu
(||mŏtta||)
ruvvĕḍidāḽlam̐dallirolam̐ dannum̐ gaṭṭĕnaṁṭā
muvvala gaṁṭaladoḍi muddulām̐ḍu
navvĕḍim̐ jĕkkulaniṁḍā nammiga bālunivalĕ
muvvuralo nĕkkuḍaina muddulām̐ḍu
(||mŏtta||)
vela saṁkhyala sadula vĕṁṭam̐ bĕṭṭugŏni rām̐gā
mūlam̐ jannu guḍisī nīmuddulām̐ḍu
melimi vĕṁkaḍagiri mim̐da nunnām̐ḍidĕ vachchĕ
mūla bhūdi dānaina muddulām̐ḍu