(॥పల్లవి॥)
మూసిన ముత్యాన కేలే మొరఁగులు
ఆసల చిత్తానకేలే అలవోకలు
(॥మూసిన॥)
కందులేని మోము కేలే కస్తూరి
చిందు నీ కొప్పునకేలే సేమంతులు
మందయానమునకేలే మట్టెలమోఁత
గందమేలే పైపై కమ్మని నీ మేనికి
(॥మూసిన॥)
బారపు గుబ్బలకేలే పయ్యెద నీ-
బీరపుఁ జూపుల కేలే పెడమోము
జీరల బుజాలకేలే చెమటలు నీ-
గోరంట గోళ్ళకేలే కొనవాండ్లు
(॥మూసిన॥)
ముద్దుల మాఁటలకేలే ముదములు నీ-
యద్దపుఁ జెక్కులకేలే అరవిరి
వొద్దిక మాటల కేలే వూర్పులు నీకు-
నద్దమేలే తిరువేంకటాద్రీశుఁ గూడి
(||pallavi||)
mūsina mutyāna kele mŏram̐gulu
āsala sittānagele alavogalu
(||mūsina||)
kaṁduleni momu kele kastūri
siṁdu nī kŏppunagele semaṁtulu
maṁdayānamunagele maṭṭĕlamom̐ta
gaṁdamele paibai kammani nī menigi
(||mūsina||)
bārabu gubbalagele payyĕda nī-
bīrabum̐ jūbula kele pĕḍamomu
jīrala bujālagele sĕmaḍalu nī-
goraṁṭa goḽḽagele kŏnavāṁḍlu
(||mūsina||)
muddula mām̐ṭalagele mudamulu nī-
yaddabum̐ jĕkkulagele araviri
vŏddiga māḍala kele vūrbulu nīgu-
naddamele tiruveṁkaḍādrīśhum̐ gūḍi