(॥పల్లవి॥)
మూఁడే మాటలు మూఁడుమూండ్లు తొమ్మిది
వేడుకొని చదువరో వేదాంతరహస్యము
(॥మూఁడే॥)
జీవస్వరూపము చింతించి యంతటాను
దేవుని వైభవము తెలిసి
భావించి ప్రకృతిసంపద యిది యెఱుఁగుటే
వేవేలువిధముల వేదాంతరహస్యము
(॥మూఁడే॥)
తనలోని జ్ఞానము తప్పకుండాఁ దలపోసి
పనితోడ నందువల్ల భక్తినిలిపి
మనికిగా వైరాగ్యము మఱవకుండుటే
వినవలసినయట్టి వేదాంతరహస్యము
(॥మూఁడే॥)
వేడుకతో నాచార్యవిశ్వాసము గలిగి
జాడల శరణాగతి సాధనముతో
కూడి శ్రీవేంకటేశ్వరుఁగొలిచి దాసుఁడౌటే
వీడని బ్రహ్మానంద వేదాంతరహస్యము
(||pallavi||)
mūm̐ḍe māḍalu mūm̐ḍumūṁḍlu tŏmmidi
veḍugŏni saduvaro vedāṁtarahasyamu
(||mūm̐ḍe||)
jīvasvarūbamu siṁtiṁchi yaṁtaḍānu
devuni vaibhavamu tĕlisi
bhāviṁchi prakṛtisaṁpada yidi yĕṟum̐guḍe
veveluvidhamula vedāṁtarahasyamu
(||mūm̐ḍe||)
tanaloni jñānamu tappaguṁḍām̐ dalabosi
panidoḍa naṁduvalla bhaktinilibi
manigigā vairāgyamu maṟavaguṁḍuḍe
vinavalasinayaṭṭi vedāṁtarahasyamu
(||mūm̐ḍe||)
veḍugado nāsāryaviśhvāsamu galigi
jāḍala śharaṇāgadi sādhanamudo
kūḍi śhrīveṁkaḍeśhvarum̐gŏlisi dāsum̐ḍauḍe
vīḍani brahmānaṁda vedāṁtarahasyamu