(॥పల్లవి॥)
మూలమూల నమ్ముడుఁ జల్ల ఇది
రేలుఁ బగలుఁ గొనరే చల్ల
(॥మూల॥)
పిక్కటిల్లు చన్నుల గుబ్బెత వొకతి కడుఁ-
జక్కనిది చిలికిన చల్ల
అక్కునఁ జెమటగార నమ్మీని యిది
యెక్కడఁ బుట్టదు గొనరే చల్ల
(॥మూల॥)
వడచల్లు మేని జవ్వని వొకతి కడు-
జడియుచుఁ జిలికిన చల్ల
తడఁబడు కమ్మనితావులది మీ-
రెడయకిపుడు గొనరే చల్ల
(॥మూల॥)
అంకులకరముల వొయ్యారొకతి కడు-
జంకెనలఁ జిలికిన చల్ల
వేంకటగిరిపతి వేడుకది
యింకానమ్మీఁ గొనరే చల్ల
(||pallavi||)
mūlamūla nammuḍum̐ jalla idi
relum̐ bagalum̐ gŏnare salla
(||mūla||)
pikkaḍillu sannula gubbĕda vŏgadi kaḍum̐-
jakkanidi siligina salla
akkunam̐ jĕmaḍagāra nammīni yidi
yĕkkaḍam̐ buṭṭadu gŏnare salla
(||mūla||)
vaḍasallu meni javvani vŏgadi kaḍu-
jaḍiyusum̐ jiligina salla
taḍam̐baḍu kammanidāvuladi mī-
rĕḍayagibuḍu gŏnare salla
(||mūla||)
aṁkulagaramula vŏyyārŏgadi kaḍu-
jaṁkĕnalam̐ jiligina salla
veṁkaḍagiribadi veḍugadi
yiṁkānammīm̐ gŏnare salla