మొల్లలేలె నాకు తన్నె ముడుచుకొమ్మనవె నేఁ
(॥పల్లవి॥)
మొల్లలేలె నాకు తన్నె ముడుచుకొమ్మనవె నేఁ
జెల్ల పూవు కొప్పుతావి చెంచుదానను
(॥మొల్ల॥)
పట్టుచీరేఁటికి నాకు పారిటాకులె చాలు
దట్టిగట్టుకొమ్మనవే తనమొలనే
పట్టెమంచ మేలె నాకు పవ్వళించు మనవె నేఁ
జెట్టుకిందఁ బొరలాడే చెంచుదానను
(॥మొల్ల॥)
సందిదండ లేలె నాకు సంకుఁగడియమె చాలు
యిందవే యెవ్వతెకైన నిమ్మనవె
గందమేలె నాకు చక్కని తనకే కాక నేఁ
జిందువందు చెమట మై చెంచుదానను
(॥మొల్ల॥)
కుచ్చుముత్యా లేలె నాకు గురివిందలె చాలు
కుచ్చి తనమెడఁ గట్టి కొమ్మనవె
కచ్చుపెట్టి కూడె వేంకటగిరీంద్రుఁడు నను
చిచ్చినే నడవిలో చెంచుదాననూ
(||pallavi||)
mŏllalelĕ nāgu tannĕ muḍusugŏmmanavĕ nem̐
jĕlla pūvu kŏppudāvi sĕṁchudānanu
(||mŏlla||)
paṭṭusīrem̐ṭigi nāgu pāriḍāgulĕ sālu
daṭṭigaṭṭugŏmmanave tanamŏlane
paṭṭĕmaṁcha melĕ nāgu pavvaḽiṁchu manavĕ nem̐
jĕṭṭugiṁdam̐ bŏralāḍe sĕṁchudānanu
(||mŏlla||)
saṁdidaṁḍa lelĕ nāgu saṁkum̐gaḍiyamĕ sālu
yiṁdave yĕvvadĕgaina nimmanavĕ
gaṁdamelĕ nāgu sakkani tanage kāga nem̐
jiṁduvaṁdu sĕmaḍa mai sĕṁchudānanu
(||mŏlla||)
kuchchumutyā lelĕ nāgu guriviṁdalĕ sālu
kuchchi tanamĕḍam̐ gaṭṭi kŏmmanavĕ
kachchubĕṭṭi kūḍĕ veṁkaḍagirīṁdrum̐ḍu nanu
sichchine naḍavilo sĕṁchudānanū