(॥పల్లవి॥)
మొలనూలి గొల్లెత మురియుచును
వలవంతఁ దిరిగీని వాడవాడలను*
(॥మొల॥)
సంపెఁగలతురుముతో చల్లలమ్మీనిదివొ
పంపుమోము గొల్లెత వాడలను
యింపులకోరికె తో నిందిరాపతి యెదుట
జంపుల నటనలతో సాళగింపుచును
(॥మొల॥)
నొసలికస్తూరితోఁ గన్నుల నవ్వీనిదివో
పసివాడు గొల్లెత వాడలను
కసరుచు హరిమీఁదికాఁకల కోపముతో
యెసరుఁ జెమట గోర యెమ్మెలఁ జిమ్ముచును
(॥మొల॥)
చెలువంపుటుంగరాల చెయి వీచీనిదివో
వలపుల గొల్లెత వాడలను
కలికియై తిరువేంకటవిభుకౌఁగిట
అలసిన నటనల నల్లంతనేఁగుచును
(||pallavi||)
mŏlanūli gŏllĕda muriyusunu
valavaṁtam̐ dirigīni vāḍavāḍalanu*
(||mŏla||)
saṁpĕm̐galadurumudo sallalammīnidivŏ
paṁpumomu gŏllĕda vāḍalanu
yiṁpulagorigĕ to niṁdirābadi yĕduḍa
jaṁpula naḍanalado sāḽagiṁpusunu
(||mŏla||)
nŏsaligastūridom̐ gannula navvīnidivo
pasivāḍu gŏllĕda vāḍalanu
kasarusu harimīm̐digām̐kala kobamudo
yĕsarum̐ jĕmaḍa gora yĕmmĕlam̐ jimmusunu
(||mŏla||)
sĕluvaṁpuḍuṁgarāla sĕyi vīsīnidivo
valabula gŏllĕda vāḍalanu
kaligiyai tiruveṁkaḍavibhugaum̐giḍa
alasina naḍanala nallaṁtanem̐gusunu