మొక్కేలేవే (వేలే?)యిందులకు మొదల నేను
(॥పల్లవి॥)
మొక్కేలేవే (వేలే?)యిందులకు మొదల నేను
మొక్కితే దీవెనలు ముందుముందే రావా
(॥మొక్కే॥)
చిగురుఁ జేతులకేలే చిమ్మువాఁడి కొనగోళ్ళు
చిగురుఁగొమ్మున వోరి చేఁగలే కావా
తగు తీఁగెవంటి నీకు దంటతనమింతయేలే
వెగటుతీఁగెలే కావా విఱ్ఱవీఁగఁ గాచును
(॥మొవురముక్కే॥)
ఇంచుకంత మోమునకు యింతలేసి కన్నులేలే
యించుకంత అద్దమేరా యిన్నీఁ జూచేది
కొంచెపు నీనోరికేలే కొండలంతలు మాటలు
కొంచపు నడుమే కాదా కుచగిరులానును
(॥మొక్కే॥)
పండువంటి మోవికేలే పచ్చిలక్కముద్రలివి
పండినపంటకే కావా బలుముద్రలు
నిండు శ్రీ వేంకటేశుఁడ నిన్నునేఁ గూడితిఁగదే
నిండు నీవురము నాకు నెలవు గాదా
(||pallavi||)
mŏkkeleve (vele?)yiṁdulagu mŏdala nenu
mŏkkide dīvĕnalu muṁdumuṁde rāvā
(||mŏkke||)
sigurum̐ jedulagele simmuvām̐ḍi kŏnagoḽḽu
sigurum̐gŏmmuna vori sem̐gale kāvā
tagu tīm̐gĕvaṁṭi nīgu daṁṭadanamiṁtayele
vĕgaḍudīm̐gĕle kāvā viṭravīm̐gam̐ gāsunu
(||mŏvuramukke||)
iṁchugaṁta momunagu yiṁtalesi kannulele
yiṁchugaṁta addamerā yinnīm̐ jūsedi
kŏṁchĕbu nīnorigele kŏṁḍalaṁtalu māḍalu
kŏṁchabu naḍume kādā kusagirulānunu
(||mŏkke||)
paṁḍuvaṁṭi movigele pachchilakkamudralivi
paṁḍinabaṁṭage kāvā balumudralu
niṁḍu śhrī veṁkaḍeśhum̐ḍa ninnunem̐ gūḍidim̐gade
niṁḍu nīvuramu nāgu nĕlavu gādā