మొక్కేటి గోపాంగనల మోహనాకారము
(॥పల్లవి॥)
మొక్కేటి గోపాంగనల మోహనాకారము
చిక్కని నవ్వులు నవ్వీ శ్రీవేంకటేశ్వరుఁడు
(॥మొక్కేటి॥)
సత్యభామవురముపై చల్లని కస్తూరిపూఁత
తత్తరించే రుక్మిణిచేతామరపూవు
హత్తిన భూకాంతకు యంగపు పయ్యదకొంగు
చిత్తగించరమ్మ వీఁడే శ్రీవేంకటేశుఁడు
(॥మొక్కేటి॥)
పంతపు వదారువేలబంగారువుంగరము
బంతికే కుబ్జగట్టిన పసిఁడితాళి
వింతగా రాధాదేవి వేసిన కలువదండ
చెంతలను వీఁడే యమ్మ శ్రీవేంకటేశుఁడు
(॥మొక్కేటి॥)
ఆసల తులసీదేవియఱచేతిలో యద్దము
బాసరపు యిళాదేవి పట్టుగొమ్ము
శ్రీసతి యెక్కినయట్టి సింహాసనపు గద్దె
సేస వెట్టించుకున్నాఁడు శ్రీవేంకటేశుఁడు
(||pallavi||)
mŏkkeḍi gobāṁganala mohanāgāramu
sikkani navvulu navvī śhrīveṁkaḍeśhvarum̐ḍu
(||mŏkkeḍi||)
satyabhāmavuramubai sallani kastūribūm̐ta
tattariṁche rukmiṇisedāmarabūvu
hattina bhūgāṁtagu yaṁgabu payyadagŏṁgu
sittagiṁcharamma vīm̐ḍe śhrīveṁkaḍeśhum̐ḍu
(||mŏkkeḍi||)
paṁtabu vadāruvelabaṁgāruvuṁgaramu
baṁtige kubjagaṭṭina pasim̐ḍidāḽi
viṁtagā rādhādevi vesina kaluvadaṁḍa
sĕṁtalanu vīm̐ḍe yamma śhrīveṁkaḍeśhum̐ḍu
(||mŏkkeḍi||)
āsala tulasīdeviyaṟasedilo yaddamu
bāsarabu yiḽādevi paṭṭugŏmmu
śhrīsadi yĕkkinayaṭṭi siṁhāsanabu gaddĕ
sesa vĕṭṭiṁchugunnām̐ḍu śhrīveṁkaḍeśhum̐ḍu