(॥పల్లవి॥)
మొక్కెద మిదివో మూఁడుమూర్తులును
వొక్కరూపమై వొనరెఁ జక్రము
(॥మొక్కె॥)
చెండిన రావణు శిరోమాలికల
దండల పూజల తఱచుగను
మెండుగఁ గంసుని మెదడు గంధముగ
నిండ నలఁదుకొని నిలిచెఁ జక్రము
(॥మొక్కె॥)
చించి హిరణ్యకసిపు పెనురక్తపు-
అంచనర్ఘ్య పాద్యమ్ములను
పంచజన ఘనకపాలపు టెముకను-
పంచవాద్యములఁ బరగు చక్రము
(॥మొక్కె॥)
బలు మధుకైటభ ప్రాణవాయువుల
అలరిన నైవేద్యంబులను
యెలిమిని శ్రీవేంకటేశు హస్తముల
వెలసి నిలచె నిదె విజయచక్రము
(||pallavi||)
mŏkkĕda midivo mūm̐ḍumūrdulunu
vŏkkarūbamai vŏnarĕm̐ jakramu
(||mŏkkĕ||)
sĕṁḍina rāvaṇu śhiromāligala
daṁḍala pūjala taṟasuganu
mĕṁḍugam̐ gaṁsuni mĕdaḍu gaṁdhamuga
niṁḍa nalam̐dugŏni nilisĕm̐ jakramu
(||mŏkkĕ||)
siṁchi hiraṇyagasibu pĕnuraktabu-
aṁchanarghya pādyammulanu
paṁchajana ghanagabālabu ṭĕmuganu-
paṁchavādyamulam̐ baragu sakramu
(||mŏkkĕ||)
balu madhugaiḍabha prāṇavāyuvula
alarina naivedyaṁbulanu
yĕlimini śhrīveṁkaḍeśhu hastamula
vĕlasi nilasĕ nidĕ vijayasakramu