(॥పల్లవి॥)
మోహము సేయించుకొని మురిసేవు నీ-
సాహసములె దురా చదురాలికిపుడు
(॥మోహ॥)
ఒక్క చక్రమె నీకునున్నది గాని, యింతిఁ
రెక్కల చక్రాలె పో రెండు గుబ్బలు
మక్కువ సేయించుకొని మలసేవు నీ-
చక్కఁదనమెదురా జవరాలికిపుడు
(॥మోహ॥)
నీలమేఘము చాయ నీమేను గాని పెద్ద-
నీలమేఘమే పో నెలఁత కొప్పు
జాలిఁ బొరలించేవు సతిని నీవు నీ-
తాలిములెదురా తరుణికి విపుడు
(॥మోహ॥)
మరుని ప్రతినిధి నీ మహిమ గాని ఆ-
మరుని సంపదే పో మగువ నేఁడు
తిరువేంకటేశ పొందితివి గాని నీ-
సరసము లెదురా సకియకు నిపుడు
(||pallavi||)
mohamu seyiṁchugŏni murisevu nī-
sāhasamulĕ durā sadurāligibuḍu
(||moha||)
ŏkka sakramĕ nīgununnadi gāni, yiṁtim̐
rĕkkala sakrālĕ po rĕṁḍu gubbalu
makkuva seyiṁchugŏni malasevu nī-
sakkam̐danamĕdurā javarāligibuḍu
(||moha||)
nīlameghamu sāya nīmenu gāni pĕdda-
nīlameghame po nĕlam̐ta kŏppu
jālim̐ bŏraliṁchevu sadini nīvu nī-
tālimulĕdurā taruṇigi vibuḍu
(||moha||)
maruni pradinidhi nī mahima gāni ā-
maruni saṁpade po maguva nem̐ḍu
tiruveṁkaḍeśha pŏṁdidivi gāni nī-
sarasamu lĕdurā sagiyagu nibuḍu