మోహంపు రతిమదము ముద్దుఁజూపుల మదము
(॥పల్లవి॥)
మోహంపు రతిమదము ముద్దుఁజూపుల మదము
దేహంపు సొబగెల్లఁ దెలిపె సదమదము
(॥మోహం॥)
మించుమట్టెల గిలుకు మెరుఁగుగుబ్బల కులుకు
వంచుఁ జూపుల చిలుకు వసివాడుఁ బలుకు
మంచుఁ జెమటల తళుకు మనసు లోపలి యళుకు
అంచుటధరపుబెళుకు అలమేఁటి జళుకు
(॥మోహం॥)
కరమూలములఁ గరఁగు కదలుఁ బయ్యెద చెరఁగు
సిరులచెలువపుమొరఁగు చెక్కుపై మరఁగు
గరగరికె తతులెరుఁగు ఘాతలంటిన తెరఁగు
గరిమెతో చెలియునికి కప్పురపుటరఁగు
(॥మోహం॥)
కలికితనముల పోగు కమ్మఁదావులవేఁగు
వలపుతమకముల పరవశము పెనుజాగు
కలకంటిబాగు వేంకటపతికిఁ జెలరేఁగు
చెలియ సమరతుల మించిన వింత బాగు
(||pallavi||)
mohaṁpu radimadamu muddum̐jūbula madamu
dehaṁpu sŏbagĕllam̐ dĕlibĕ sadamadamu
(||mohaṁ||)
miṁchumaṭṭĕla gilugu mĕrum̐gugubbala kulugu
vaṁchum̐ jūbula silugu vasivāḍum̐ balugu
maṁchum̐ jĕmaḍala taḽugu manasu lobali yaḽugu
aṁchuḍadharabubĕḽugu alamem̐ṭi jaḽugu
(||mohaṁ||)
karamūlamulam̐ garam̐gu kadalum̐ bayyĕda sĕram̐gu
sirulasĕluvabumŏram̐gu sĕkkubai maram̐gu
garagarigĕ tadulĕrum̐gu ghādalaṁṭina tĕram̐gu
garimĕdo sĕliyunigi kappurabuḍaram̐gu
(||mohaṁ||)
kaligidanamula pogu kammam̐dāvulavem̐gu
valabudamagamula paravaśhamu pĕnujāgu
kalagaṁṭibāgu veṁkaḍabadigim̐ jĕlarem̐gu
sĕliya samaradula miṁchina viṁta bāgu