మొదలే తెలియవలె మోసపోక మానవలె
(॥పల్లవి॥)
మొదలే తెలియవలె మోసపోక మానవలె
పదిలపు యోగికైనా బ్రహ్మకైనాను
(॥మొద॥)
అలుగులపైఁ బడితే నాయాలు దాఁకకుండునా
కలికి సతుల చూపు కాఁడకుండునా
యిలఁ దోఁడుదొక్కితేను యెండించకుండునా(?)
చెలుల యిండ్లకుఁ బోతే చిక్కించకుందురా
(॥మొద॥)
చిచ్చు గాఁగిలించుకొంటే చిమిడించకుండునా
గచ్చుఁ బరస్త్రీలపొందు కాఁచకుండునా
తచ్చి విషము మింగితే తలకెక్కకుండునా
పచ్చి సతులవలపు భ్రమయించకుండునా
(॥మొద॥)
తెగి సముద్రము చొచ్చితే లోఁబడకుండునా
మొగి నింతులమాటలు ముంచకుండునా
తగు శ్రీవేంకటేశ్వరుదాఁసుడై గెలిచితేనే
పగటున నివియెల్లా బంపుసేయకుండునా
(||pallavi||)
mŏdale tĕliyavalĕ mosaboga mānavalĕ
padilabu yogigainā brahmagainānu
(||mŏda||)
alugulabaim̐ baḍide nāyālu dām̐kaguṁḍunā
kaligi sadula sūbu kām̐ḍaguṁḍunā
yilam̐ dom̐ḍudŏkkidenu yĕṁḍiṁchaguṁḍunā(?)
sĕlula yiṁḍlagum̐ bode sikkiṁchaguṁdurā
(||mŏda||)
sichchu gām̐giliṁchugŏṁṭe simiḍiṁchaguṁḍunā
gachchum̐ barastrīlabŏṁdu kām̐saguṁḍunā
tachchi viṣhamu miṁgide talagĕkkaguṁḍunā
pachchi sadulavalabu bhramayiṁchaguṁḍunā
(||mŏda||)
tĕgi samudramu sŏchchide lom̐baḍaguṁḍunā
mŏgi niṁtulamāḍalu muṁchaguṁḍunā
tagu śhrīveṁkaḍeśhvarudām̐suḍai gĕlisidene
pagaḍuna niviyĕllā baṁpuseyaguṁḍunā