(॥పల్లవి॥)
మోపుల చిగురుల చిమ్ముల వేదము
ఆవుల మందలలోని ఆ వేదము
(॥మోపుల॥)
మంచముపైఁ జదివేది మరవకుమీ
కొంచెపు లేఁబలుకుల కొనవేదము
పించెపు శిరసుతోడఁ బిన్ననాఁడే చదివిన
తుంచి తుంచిన మాటల తొలువేదము
(॥మోపుల॥)
చల్లలమ్మే గొల్లెతల చక్కనిజంకెనలకు
గొల్లపల్లెలోన దొరకొన్న వేదము
తల్లిబిడ్డలనక యందరినొక్కవావిగా
పిల్లఁ గోవి నేరిపిన పెనువేదము
(॥మోపుల॥)
పంకజభవాదుల బడిబడిఁ జదివించే
లంకెలు చెలఁగిన మేలపువేదము
వేంకటనగముమీఁద వెలయ నిందిరఁగూడి
కొంకక చదివిన చొక్కుల వేదము
(||pallavi||)
mobula sigurula simmula vedamu
āvula maṁdalaloni ā vedamu
(||mobula||)
maṁchamubaim̐ jadivedi maravagumī
kŏṁchĕbu lem̐balugula kŏnavedamu
piṁchĕbu śhirasudoḍam̐ binnanām̐ḍe sadivina
tuṁchi tuṁchina māḍala tŏluvedamu
(||mobula||)
sallalamme gŏllĕdala sakkanijaṁkĕnalagu
gŏllaballĕlona dŏragŏnna vedamu
tallibiḍḍalanaga yaṁdarinŏkkavāvigā
pillam̐ govi neribina pĕnuvedamu
(||mobula||)
paṁkajabhavādula baḍibaḍim̐ jadiviṁche
laṁkĕlu sĕlam̐gina melabuvedamu
veṁkaḍanagamumīm̐da vĕlaya niṁdiram̐gūḍi
kŏṁkaga sadivina sŏkkula vedamu