మిన్నునేలా నొక్కటైన మేటితేరు
(॥పల్లవి॥)
మిన్నునేలా నొక్కటైన మేటితేరు
కన్నులపండువయిన శ్రీకాంతునితేరు
(॥మిన్ను॥)
జలధులమీఁదను చక్కఁగా నేఁగెను తేరు
బలిమిఁ గులాద్రుల పైఁ బారెను తేరు
పెలుచు లంకముంగిట పేరెలువారెను తేరు
చెలఁగె దిగ్విజయపు శ్రీహరితేరు
(॥మిన్ను॥)
రమణఁ గుండిననగరము చుట్టుకొన్న తేరు
తిమురుచు రుకుమిణిఁ దెచ్చిన తేరు
సమరములో జరాసంధునిఁ దోలిన తేరు
అమరుల వెనుబలమగు శౌరితేరు
(॥మిన్ను॥)
వొట్టి సృగాలవాసుదేవుని భంగించిన తేరు
బెట్టుపౌండ్రకునిపై దాడివెట్టిన తీరు
అట్టె శ్రీవేంకటుశుఁ డలమేలుమంగఁ గూడి
పట్టమేలుచు నెక్కిన పరమాత్ము తేరు
(||pallavi||)
minnunelā nŏkkaḍaina meḍideru
kannulabaṁḍuvayina śhrīgāṁtunideru
(||minnu||)
jaladhulamīm̐danu sakkam̐gā nem̐gĕnu teru
balimim̐ gulādrula paim̐ bārĕnu teru
pĕlusu laṁkamuṁgiḍa perĕluvārĕnu teru
sĕlam̐gĕ digvijayabu śhrīharideru
(||minnu||)
ramaṇam̐ guṁḍinanagaramu suṭṭugŏnna teru
timurusu rugumiṇim̐ dĕchchina teru
samaramulo jarāsaṁdhunim̐ dolina teru
amarula vĕnubalamagu śhaurideru
(||minnu||)
vŏṭṭi sṛgālavāsudevuni bhaṁgiṁchina teru
bĕṭṭubauṁḍragunibai dāḍivĕṭṭina tīru
aṭṭĕ śhrīveṁkaḍuśhum̐ ḍalamelumaṁgam̐ gūḍi
paṭṭamelusu nĕkkina paramātmu teru