మిన్నక వేసాలు మాని మేలుకోవయ్యా
(॥పల్లవి॥)
మిన్నక వేసాలు మాని మేలుకోవయ్యా
సన్నల నీ యోగనిద్ర చాలు మేలుకోవయ్యా
(॥మిన్నక॥)
ఆవులు పేయలకుఁగా నఱచీఁబిదుకవలె
గోవిందుఁడ యింక మేలుకొనవయ్యా
ఆవలీవలి పడుఛు లాటలు మరిగివచ్చి
త్రోవగాచుకున్నారు ప్రొద్దున మేలుకోవయ్యా
(॥మిన్నక॥)
వాడల గోపికలెల్లా వచ్చి నిన్ను ముద్దాడఁ
గూడియున్నా రిదే మేలుకొనయ్యా
తోడనే యశోద గిన్నెతోఁ బెరుగు వంటకము
యీడకుఁ దెచ్చిపెట్టె నిఁక మేలుకోవయ్యా
(॥మిన్నక॥)
పిలిచీ నందగోపుఁడు పేరుకొని యదె కన్నుఁ
గొలుకులు నిచ్చి మేలుకొనవయ్యా
అలరిన శ్రీవేంకటాద్రిమీఁది బాలకృష్ణ
యిల మామాటలు వింటి విఁక మేలుకోవయ్యా
(||pallavi||)
minnaga vesālu māni melugovayyā
sannala nī yoganidra sālu melugovayyā
(||minnaga||)
āvulu peyalagum̐gā naṟasīm̐bidugavalĕ
goviṁdum̐ḍa yiṁka melugŏnavayyā
āvalīvali paḍuchhu lāḍalu marigivachchi
trovagāsugunnāru prŏdduna melugovayyā
(||minnaga||)
vāḍala gobigalĕllā vachchi ninnu muddāḍam̐
gūḍiyunnā ride melugŏnayyā
toḍane yaśhoda ginnĕdom̐ bĕrugu vaṁṭagamu
yīḍagum̐ dĕchchibĕṭṭĕ nim̐ka melugovayyā
(||minnaga||)
pilisī naṁdagobum̐ḍu perugŏni yadĕ kannum̐
gŏlugulu nichchi melugŏnavayyā
alarina śhrīveṁkaḍādrimīm̐di bālakṛṣhṇa
yila māmāḍalu viṁṭi vim̐ka melugovayyā