Anuraagam kannil

അനുരാഗം കണ്ണില്‍ മുളയ്ക്കും
ഹൃദയത്തില്‍ വേരൂന്നി നില്‍ക്കും
തങ്കക്കിനാവില്‍ തളിര്‍ക്കും
കല്യാണപ്പന്തലില്‍ പൂക്കും
(അനുരാഗം...)

കണ്ണീരാല്‍ നിത്യം നനയ്ക്കും
നെടുവീര്‍പ്പാല്‍ വളമേകുമെന്നും
കരിയാതെ വാടാതെ വളരും
എന്റെ കരളിലെ അനുരാഗ വല്ലീ
(അനുരാഗം...)

അരുണന്‍ വെറും ചാമ്പലാകാം
മരുഭൂമിയാകാം സമുദ്രം
ഒരുനാളുമണയാതെ നില്‍ക്കും എന്റെ
കരളിലെ അനുരാഗ ദീപം
(അനുരാഗം...)