మిక్కిలిపుణ్యులు హరి మీ దాసులే హరి
(॥పల్లవి॥)
మిక్కిలిపుణ్యులు హరి మీ దాసులే హరి
తక్కినవారు మీకృప దప్పినవారు హరి
(॥మిక్కి॥)
వున్నతపు సంపదల నోలలాడేయట్టివాఁడు
మున్నిటిజన్మాన నీకు మొక్కినవాఁడు హరి
పన్ని పడనిపాట్లఁ బరులఁ గొలిచేవాఁడు
వున్నతి మిము సేవించనొల్లనివాఁడు హరి
(॥మిక్కి॥)
పూని దేవేంద్రాదులై పొడవుకెక్కినవారు
శ్రీనాథ మిమ్మునే పూజించినవారు హరి
నానానరకముల నలఁగుచుండేవారు
నానాఁడే నీమహిమ నమ్మనివారు హరి
(॥మిక్కి॥)
పావనులై నిజభక్తిఁ బ్రపన్నులయ్యినవారు
శ్రీవేంకటేశ మిమ్ముఁ జేరినవారె హరి
వేవేలు దేవతలవెంట దగిలేటివాఁడు
కావించి మిమ్మెఱఁగనికర్మి యాతఁడే హరి
(||pallavi||)
mikkilibuṇyulu hari mī dāsule hari
takkinavāru mīkṛpa dappinavāru hari
(||mikki||)
vunnadabu saṁpadala nolalāḍeyaṭṭivām̐ḍu
munniḍijanmāna nīgu mŏkkinavām̐ḍu hari
panni paḍanibāṭlam̐ barulam̐ gŏlisevām̐ḍu
vunnadi mimu seviṁchanŏllanivām̐ḍu hari
(||mikki||)
pūni deveṁdrādulai pŏḍavugĕkkinavāru
śhrīnātha mimmune pūjiṁchinavāru hari
nānānaragamula nalam̐gusuṁḍevāru
nānām̐ḍe nīmahima nammanivāru hari
(||mikki||)
pāvanulai nijabhaktim̐ brabannulayyinavāru
śhrīveṁkaḍeśha mimmum̐ jerinavārĕ hari
vevelu devadalavĕṁṭa dagileḍivām̐ḍu
kāviṁchi mimmĕṟam̐ganigarmi yādam̐ḍe hari