మిక్కిలి నేరుపరివి మేలు మేలోయి
(॥పల్లవి॥)
మిక్కిలి నేరుపరివి మేలు మేలోయి
గుక్కని వలపుల వో కోన చెన్నరాయఁడా
(॥మిక్కిలి॥)
గారవించి నామనసు కరఁగించ వచ్చేవు
వారకపు వలపుల దేవరవు గావా
పేరడి నీపెనపుల ప్రియములనె నన్ను
కూరిమి గొసరెటి వో కోన చెన్నరాయఁడా
(॥మిక్కిలి॥)
మెచ్చి మెచ్చి నాతో నమ్మికమాఁట లాడేవు
తచ్చన వినయాల యాతఁడవు గావా
ముచ్చట నీజాణతనములనె నామీఁద గుది
గుచ్చేవు మాయ లెల్లాఁ గోన చెన్నరాయఁడా
(॥మిక్కిలి॥)
యెన్నికసరసాల నా కిచ్చకాలు సేసేవు
కన్నెవలపు వేడుకకాఁడవు గావా
నన్ను నిట్టె శ్రీవెంకటనాథుఁడ కూడితివి
కొన్నదె కో లిఁక నీకుఁ గోన చెన్నరాయఁడా.
(||pallavi||)
mikkili nerubarivi melu meloyi
gukkani valabula vo kona sĕnnarāyam̐ḍā
(||mikkili||)
gāraviṁchi nāmanasu karam̐giṁcha vachchevu
vāragabu valabula devaravu gāvā
peraḍi nībĕnabula priyamulanĕ nannu
kūrimi gŏsarĕḍi vo kona sĕnnarāyam̐ḍā
(||mikkili||)
mĕchchi mĕchchi nādo nammigamām̐ṭa lāḍevu
tachchana vinayāla yādam̐ḍavu gāvā
muchchaḍa nījāṇadanamulanĕ nāmīm̐da gudi
guchchevu māya lĕllām̐ gona sĕnnarāyam̐ḍā
(||mikkili||)
yĕnnigasarasāla nā kichchagālu sesevu
kannĕvalabu veḍugagām̐ḍavu gāvā
nannu niṭṭĕ śhrīvĕṁkaḍanāthum̐ḍa kūḍidivi
kŏnnadĕ ko lim̐ka nīgum̐ gona sĕnnarāyam̐ḍā.