మిక్కిలి నేర్పరి యలమేలుమంగ
(॥పల్లవి॥)
మిక్కిలి నేర్పరి యలమేలుమంగ
అక్కర దీరిచి పతి నల(దీరిచీఁ బతి కల?)మేలుమంగ
(॥మిక్కిలి॥)
కన్నులనె నవ్వునవ్వి కాంతునిఁ దప్పక చూచి
మిన్నక మాటాడీనలమేలుమంగ
సన్నలనె యాస రేఁచి జంకెన బొమ్మలు వంచి
అన్నువతోఁ గొసరీని యలమేలుమంగ
(॥మిక్కిలి॥)
సారెకుఁ జెక్కులు నొక్కి సరుసనె కూచుండి
మేరలు మీరీ నలమేలుమంగ
గారవించి విభునికిఁ గప్పురవిడెమిచ్చి
యారతులెత్తీనదె యలమేలుమంగ
(॥మిక్కిలి॥)
ఇచ్చకాలు సేసి సేసి యిక్కువలంటి యంటి
మెచ్చీనతని నలమేలుమంగ
చెచ్చెర కౌఁగిటఁ గూడి శ్రీ వేంకటేశ్వరుని
అచ్చముగానురమెక్కీ నలమేలుమంగ
(||pallavi||)
mikkili nerbari yalamelumaṁga
akkara dīrisi padi nala(dīrisīm̐ badi kala?)melumaṁga
(||mikkili||)
kannulanĕ navvunavvi kāṁtunim̐ dappaga sūsi
minnaga māḍāḍīnalamelumaṁga
sannalanĕ yāsa rem̐si jaṁkĕna bŏmmalu vaṁchi
annuvadom̐ gŏsarīni yalamelumaṁga
(||mikkili||)
sārĕgum̐ jĕkkulu nŏkki sarusanĕ kūsuṁḍi
meralu mīrī nalamelumaṁga
gāraviṁchi vibhunigim̐ gappuraviḍĕmichchi
yāradulĕttīnadĕ yalamelumaṁga
(||mikkili||)
ichchagālu sesi sesi yikkuvalaṁṭi yaṁṭi
mĕchchīnadani nalamelumaṁga
sĕchchĕra kaum̐giḍam̐ gūḍi śhrī veṁkaḍeśhvaruni
achchamugānuramĕkkī nalamelumaṁga