(॥పల్లవి॥)
మేరలేని వలపిది మీకేల తెలుసునే
యీరస మయ్యే బుద్ధులేల చెప్పేరే
(॥మేర॥)
ఆఁట దెంత గబ్బి యన్నా ననుఁడ మీరిఁకవేయి
మాఁట లన్నా వాని నేను మాన లేనే
వేఁటలాడేమదనుఁడు విరహులఁ బొడగంటే
యీ టెలవంటి పూబాణా లేమరుండీనా
(॥మేర॥)
అమ్మరో యంతటికల్ల యన్నా నంటిరి గాని
వమ్ము వోని వానిపొందు వదల లేనే
కమ్మటిఁ జందురుఁడు కాఁకలఁ బొరలేవారిపై
కుమ్మువంటి వెన్నెలలు గుప్పకుండీనా
(॥మేర॥)
అతివ మారాడఁ జెల్ల దన్నా నంటిరి గాని
వెత లేనివానిరతి విడువ లేనే
కతకారై నన్ను శ్రీవెంకటనాథుఁ గూడె
యిత వైనకళ లెల్లా హెచ్చకుండీనా
(||pallavi||)
meraleni valabidi mīgela tĕlusune
yīrasa mayye buddhulela sĕppere
(||mera||)
ām̐ṭa dĕṁta gabbi yannā nanum̐ḍa mīrim̐kaveyi
mām̐ṭa lannā vāni nenu māna lene
vem̐ṭalāḍemadanum̐ḍu virahulam̐ bŏḍagaṁṭe
yī ṭĕlavaṁṭi pūbāṇā lemaruṁḍīnā
(||mera||)
ammaro yaṁtaḍigalla yannā naṁṭiri gāni
vammu voni vānibŏṁdu vadala lene
kammaḍim̐ jaṁdurum̐ḍu kām̐kalam̐ bŏralevāribai
kummuvaṁṭi vĕnnĕlalu guppaguṁḍīnā
(||mera||)
adiva mārāḍam̐ jĕlla dannā naṁṭiri gāni
vĕda lenivāniradi viḍuva lene
kadagārai nannu śhrīvĕṁkaḍanāthum̐ gūḍĕ
yida vainagaḽa lĕllā hĕchchaguṁḍīnā