మేఁటులాల బోఁటులాల మీ రెరఁగరా నన్ను
(॥పల్లవి॥)
మేఁటులాల బోఁటులాల మీ రెరఁగరా నన్ను
నీటునఁ దా నొద్ద నుంటె నేర మెంతునా
(॥మేఁటు॥)
మోము చూడఁగా నేను మొరఁగి నవ్వితిఁ గాక
తా ముందు వూరకుంటెఁ దడవితినా
ప్రేమమునఁ బిలువఁగా బెట్టి వూఁకొంటిఁ గాక
దోమటిఁ దడవకుంటె దొమ్మి సేతునా
(॥మేఁటు॥)
చెక్కు నొక్కఁగా నే జీర వారించితిఁ గాక
చక్క నుంటెఁ దన్ను నే సాదింతునా
నిక్కి పూవుల వేయఁగా నీటునఁ దిట్టితిఁ గాక
మిక్కిలి గుట్టున నుంటె మితిమీరుదునా
(॥మేఁటు॥)
బలిమిసేయఁగఁ దన్నుఁ బైకొని కూడితిఁ గాక
చలమునఁ బంత మంటె సాగనిత్తునా
యెలమి శ్రీవెంకటేశు నింపులఁ జొక్కితిఁ గాక
తలఁ పెరఁగక వుంటె దగ్గరుదునా
(||pallavi||)
mem̐ṭulāla bom̐ṭulāla mī rĕram̐garā nannu
nīḍunam̐ dā nŏdda nuṁṭĕ nera mĕṁtunā
(||mem̐ṭu||)
momu sūḍam̐gā nenu mŏram̐gi navvidim̐ gāga
tā muṁdu vūraguṁṭĕm̐ daḍavidinā
premamunam̐ biluvam̐gā bĕṭṭi vūm̐kŏṁṭim̐ gāga
domaḍim̐ daḍavaguṁṭĕ dŏmmi sedunā
(||mem̐ṭu||)
sĕkku nŏkkam̐gā ne jīra vāriṁchidim̐ gāga
sakka nuṁṭĕm̐ dannu ne sādiṁtunā
nikki pūvula veyam̐gā nīḍunam̐ diṭṭidim̐ gāga
mikkili guṭṭuna nuṁṭĕ midimīrudunā
(||mem̐ṭu||)
balimiseyam̐gam̐ dannum̐ baigŏni kūḍidim̐ gāga
salamunam̐ baṁta maṁṭĕ sāganittunā
yĕlami śhrīvĕṁkaḍeśhu niṁpulam̐ jŏkkidim̐ gāga
talam̐ pĕram̐gaga vuṁṭĕ daggarudunā