మేలుగలవారి కెల్ల మీఁద మీఁద నాస లిట్టె
(॥పల్లవి॥)
మేలుగలవారి కెల్ల మీఁద మీఁద నాస లిట్టె
చాలుకొనుఁ గాని మరి చాలించ దెంతైనా
(॥మేలు॥)
గక్కనఁ జూచిన చూపు కాంక్ష దీర దెంతైనా
కిక్కిరించి మరియు మగిడి చూడకా
చొక్కుచు రెప్పవేయక చూచినాఁ దనివోదు
తక్కక ఆరూపె మతిఁ దలపోయకుండినా
(॥మేలు॥)
అంది వొకమాటాడితే నంతటఁ దీరదు తమి
మందలించి అట్టె మారు మాటాడకా
పొంది ముచ్చటాడినాఁ బోవు కోరిక లన్నియు
కందువఁ జెలులతో కతలు తాఁ జెప్పకా
(॥మేలు॥)
కన్నప్పుడె వొకమాటు కలసినా సొంపులేదు
యెన్నికఁ బెక్కుగతుల నెనయకా
యిన్నిటా శ్రీవెంకటేశుఁ డెరిఁగిన జాణ గాన
నన్నుఁ గూడె నివి నాలో ననుప గాకుండదు
(||pallavi||)
melugalavāri kĕlla mīm̐da mīm̐da nāsa liṭṭĕ
sālugŏnum̐ gāni mari sāliṁcha dĕṁtainā
(||melu||)
gakkanam̐ jūsina sūbu kāṁkṣha dīra dĕṁtainā
kikkiriṁchi mariyu magiḍi sūḍagā
sŏkkusu rĕppaveyaga sūsinām̐ danivodu
takkaga ārūbĕ madim̐ dalaboyaguṁḍinā
(||melu||)
aṁdi vŏgamāḍāḍide naṁtaḍam̐ dīradu tami
maṁdaliṁchi aṭṭĕ māru māḍāḍagā
pŏṁdi muchchaḍāḍinām̐ bovu koriga lanniyu
kaṁduvam̐ jĕlulado kadalu tām̐ jĕppagā
(||melu||)
kannappuḍĕ vŏgamāḍu kalasinā sŏṁpuledu
yĕnnigam̐ bĕkkugadula nĕnayagā
yinniḍā śhrīvĕṁkaḍeśhum̐ ḍĕrim̐gina jāṇa gāna
nannum̐ gūḍĕ nivi nālo nanuba gāguṁḍadu