మేలు మేలు రాఁగా రాఁగా మేటివైతివి
(॥పల్లవి॥)
మేలు మేలు రాఁగా రాఁగా మేటివైతివి
వాలుఁజూపులఁ జూచితే వచ్చెఁగా పని
(॥మేలు॥)
చెంతనాతఁడు నీచెలిసేవలకు మెచ్చితేను
యింతమాట యెంతసేసేవిదిగో నీవు
సంతతమునాపె గన సరసములాడితేను
వంతులకు నీచెత వచ్చెఁగా పని
(॥మేలు॥)
నీవు పిలువనంపిన నెలఁతకు సొమ్ములిచ్చే
యీవిలోనే వావిగట్టేవిదిగో నీవు
కావలెననుచు నాపె కాఁగిలించుకొంటే గన
వావాత నీచేతనే వచ్చెఁగా పని
(॥మేలు॥)
పాదాలొత్తే పడఁతిపై పచ్చడముకొంగువడె
నాదరించి కూడెననేవంతలో నీవు
యీదెస శ్రీ వెంకటేశుఁడెనని నిన్నిఁక నాపె
వాదొద్దని మొక్కించెను వచ్చెఁగా పని
(||pallavi||)
melu melu rām̐gā rām̐gā meḍivaidivi
vālum̐jūbulam̐ jūside vachchĕm̐gā pani
(||melu||)
sĕṁtanādam̐ḍu nīsĕlisevalagu mĕchchidenu
yiṁtamāḍa yĕṁtasesevidigo nīvu
saṁtadamunābĕ gana sarasamulāḍidenu
vaṁtulagu nīsĕda vachchĕm̐gā pani
(||melu||)
nīvu piluvanaṁpina nĕlam̐tagu sŏmmulichche
yīvilone vāvigaṭṭevidigo nīvu
kāvalĕnanusu nābĕ kām̐giliṁchugŏṁṭe gana
vāvāda nīsedane vachchĕm̐gā pani
(||melu||)
pādālŏtte paḍam̐tibai pachchaḍamugŏṁguvaḍĕ
nādariṁchi kūḍĕnanevaṁtalo nīvu
yīdĕsa śhrī vĕṁkaḍeśhum̐ḍĕnani ninnim̐ka nābĕ
vādŏddani mŏkkiṁchĕnu vachchĕm̐gā pani