మేలెల్ల నొక్కటే మించుతీలూ నొకటే
(॥పల్లవి॥)
మేలెల్ల నొక్కటే మించుతీలూ నొకటే
తాలిమితో ఫలియించు తలఁపూ నొకటే
(॥మేలె॥)
ఆఁకలి గడు హెచ్చితే నన్నము రుచి గోరును
జోకఁ బాపము హెచ్చితే సుకృతము గోరును
పైకొని యవివేకికిఁ బాపమైనా నుపకారి
ఆకడ మూర్ఖునకుఁ బుణ్యమైనా బంధకమే
(॥మేలె॥)
యెందు నెండఁబడ్డఁ గాని ఇంపునీడఁ గోరఁడు
కందువ సంసారియైనఁ గాని మోక్షము గోరఁడు
చందపు యోగికి సంసారమైనా నుపకారి
కందువబద్ధున కదే కట్టినట్టి కట్లు
(॥మేలె॥)
కలయఁ జీఁకటియైతేఁగాని దీప మిడుకోఁడు
ఇల నజ్ఞుఁడైనఁగాని యెరుక వెదకఁడు
తలఁచి శ్రీవేంకటేశుదాసుని కింతా జయమే
బలిమిఁ జంచలునికి బహళ దు:ఖములే
(||pallavi||)
melĕlla nŏkkaḍe miṁchudīlū nŏgaḍe
tālimido phaliyiṁchu talam̐pū nŏgaḍe
(||melĕ||)
ām̐kali gaḍu hĕchchide nannamu rusi gorunu
jogam̐ bābamu hĕchchide sukṛtamu gorunu
paigŏni yavivegigim̐ bābamainā nubagāri
āgaḍa mūrghunagum̐ buṇyamainā baṁdhagame
(||melĕ||)
yĕṁdu nĕṁḍam̐baḍḍam̐ gāni iṁpunīḍam̐ goram̐ḍu
kaṁduva saṁsāriyainam̐ gāni mokṣhamu goram̐ḍu
saṁdabu yogigi saṁsāramainā nubagāri
kaṁduvabaddhuna kade kaṭṭinaṭṭi kaṭlu
(||melĕ||)
kalayam̐ jīm̐kaḍiyaidem̐gāni dība miḍugom̐ḍu
ila najñum̐ḍainam̐gāni yĕruga vĕdagam̐ḍu
talam̐si śhrīveṁkaḍeśhudāsuni kiṁtā jayame
balimim̐ jaṁchalunigi bahaḽa du:khamule