(॥పల్లవి॥)
మేకులు నావద్దనే మెరసీనా
యీ కతలెఱుఁగుదు నన్నేల పిలిచీనే
(॥మేకులు॥)
సంగడిఁ గూచుండి సరసములాడి యాపె
అంగము కస్తూరి పూఁతలంటించుకొనె
ఎంగిలి దేహము తోనే యీడకు విచ్చేసినాఁడు
యింగిత మెఱిఁగితి నన్నేల పిలిచీనే
(॥మేకులు॥)
నమ్మిక లాపెకు నిచ్చి నయగారమున నాపె
సొమ్ములు దాఁబెట్టుకొనెఁ జూడఁగానే
అమ్మరొ నా మంచముపై నాపెఁదానునున్నవాఁడు
యెమ్మెలెల్లాఁ గంటి నన్నునేల పిలిచీనే
(॥మేకులు॥)
చేరి యాపె వాసన చూచిన చెంగలువ బంతి
మేరతోఁ దాఁబట్టుకుండి మీఁదవేసెను
యీరీతి శ్రీ వేంకటేశుఁ డిప్పుడిట్టె నన్నుఁగూడి
యీరానిచనవులిచ్చె నేల పిలిచీనే
(||pallavi||)
megulu nāvaddane mĕrasīnā
yī kadalĕṟum̐gudu nannela pilisīne
(||megulu||)
saṁgaḍim̐ gūsuṁḍi sarasamulāḍi yābĕ
aṁgamu kastūri pūm̐talaṁṭiṁchugŏnĕ
ĕṁgili dehamu tone yīḍagu vichchesinām̐ḍu
yiṁgida mĕṟim̐gidi nannela pilisīne
(||megulu||)
nammiga lābĕgu nichchi nayagāramuna nābĕ
sŏmmulu dām̐bĕṭṭugŏnĕm̐ jūḍam̐gāne
ammarŏ nā maṁchamubai nābĕm̐dānununnavām̐ḍu
yĕmmĕlĕllām̐ gaṁṭi nannunela pilisīne
(||megulu||)
seri yābĕ vāsana sūsina sĕṁgaluva baṁti
meradom̐ dām̐baṭṭuguṁḍi mīm̐davesĕnu
yīrīdi śhrī veṁkaḍeśhum̐ ḍippuḍiṭṭĕ nannum̐gūḍi
yīrānisanavulichchĕ nela pilisīne