మీరు సాక్షి మీరు సాక్షి మే మేమీ ననలేము
(॥పల్లవి॥)
మీరు సాక్షి మీరు సాక్షి మే మేమీ ననలేము
చేరి చూడరమ్మ వీని చెల్లుబడి యమ్మా
(॥మీరు॥)
పిన్నవాఁడు నిద్ర వోఁగ పెనచి కూఁకటతోడ
పన్ని లేఁగతోఁకఁగూడ బంధించి కట్టె
వున్నతిఁ దొలఁగ వాని వొళ్లెల్లా దోఁగిపోయ
కన్నెలార యీకృష్ణుఁ గంటిరటరమ్మా
(॥మీరు॥)
లేఁగల నన్నిటి నేము లేవక తొల్లె విడిచె
మూఁగి ఆవులుఁబేయలు మొగిఁ గలయ
అఁగి పట్టఁబోతేను అప్పుడే తా గడె వెట్టి
రాఁగతనాన నున్నాఁడు రాచబలువమ్మా
(॥మీరు॥)
వారము నేసేమనుచు వడి నింటివార మెల్లా
కూరలు పాశాలు దొంతిఁ గూడఁబెట్టితే
ఆరగించ వేలుపుల అలికి పూసి కుడిపీ
కూరిమి శ్రీవేంకటాద్రి గోవిందుఁ డమ్మా
(||pallavi||)
mīru sākṣhi mīru sākṣhi me memī nanalemu
seri sūḍaramma vīni sĕllubaḍi yammā
(||mīru||)
pinnavām̐ḍu nidra vom̐ga pĕnasi kūm̐kaḍadoḍa
panni lem̐gadom̐kam̐gūḍa baṁdhiṁchi kaṭṭĕ
vunnadim̐ dŏlam̐ga vāni vŏḽlĕllā dom̐giboya
kannĕlāra yīkṛṣhṇum̐ gaṁṭiraḍarammā
(||mīru||)
lem̐gala nanniḍi nemu levaga tŏllĕ viḍisĕ
mūm̐gi āvulum̐beyalu mŏgim̐ galaya
am̐gi paṭṭam̐bodenu appuḍe tā gaḍĕ vĕṭṭi
rām̐gadanāna nunnām̐ḍu rāsabaluvammā
(||mīru||)
vāramu nesemanusu vaḍi niṁṭivāra mĕllā
kūralu pāśhālu dŏṁtim̐ gūḍam̐bĕṭṭide
āragiṁcha velubula aligi pūsi kuḍibī
kūrimi śhrīveṁkaḍādri goviṁdum̐ ḍammā