(॥పల్లవి॥)
మీఱి వచ్చిన పనికి మీరె సాక్షి
వీఱిడితనము నాకు వీసమంతా నున్నదా
(॥మీఱి॥)
తగులనాడినవాఁడు దాఁపిరపు మాటలేలే
నగవులు నగి నాతో ననుచుఁ గాక
బిగిసితేనిఁక నాకు పెలుచుఁ గోపము రాదా
మగువలాల నా యందు మఱి తప్పులున్నవా
(॥మీఱి॥)
తప్పక చూచిన వాఁడు తమకించకుండనేలే
కప్పుర విడెమిచ్చి కలసుఁ గాక
వుప్పతించితే నను వోరుచుకుండఁ గలనా
కప్పుర గందులాల కపటములున్నవా
(॥మీఱి॥)
చేయి పట్టుకున్నవాఁడు సిగ్గులు వడఁగనేలే
యీ యెడనే నాకు మనసిచ్చుఁ గాక
పాయపు శ్రీ వేంకటపతి నన్ను నిటు గూడె
చాయల మగువలాల చలము నాకున్నదా
(||pallavi||)
mīṟi vachchina panigi mīrĕ sākṣhi
vīṟiḍidanamu nāgu vīsamaṁtā nunnadā
(||mīṟi||)
tagulanāḍinavām̐ḍu dām̐pirabu māḍalele
nagavulu nagi nādo nanusum̐ gāga
bigisidenim̐ka nāgu pĕlusum̐ gobamu rādā
maguvalāla nā yaṁdu maṟi tappulunnavā
(||mīṟi||)
tappaga sūsina vām̐ḍu tamagiṁchaguṁḍanele
kappura viḍĕmichchi kalasum̐ gāga
vuppadiṁchide nanu vorusuguṁḍam̐ galanā
kappura gaṁdulāla kabaḍamulunnavā
(||mīṟi||)
seyi paṭṭugunnavām̐ḍu siggulu vaḍam̐ganele
yī yĕḍane nāgu manasichchum̐ gāga
pāyabu śhrī veṁkaḍabadi nannu niḍu gūḍĕ
sāyala maguvalāla salamu nāgunnadā