మీలోనే కలిముదిరి మేడి దాయను
(॥పల్లవి॥)
మీలోనే కలిముదిరి మేడి దాయను
జాలిదీర నెటువలె సరసమాడేవే
(॥మీలో॥)
కప్పురమువంటి నవ్వు కారీని సెలవుల
గొప్పగొప్పకన్నులను కోపమేఁటికే
కుప్పె సవరపుపతిఁ గొప్పువట్టి తీసితివి
దెప్పరపు చేఁతెట్లాఁ దీరుచుకొనేవే
(॥మీలో॥)
వుట్టి తేనెవంటి మాటలూరీని పెదవుల
తిట్టులు నాలికె నెట్టు దీకొలిపేవే
పట్టి బంగారుపాదుక బలిమి మేననూఁడితి
యిట్టి పంతమాతనికి నెట్టుదిద్దేవే
(॥మీలో॥)
రీతి జిరుగువంటిది రేకలు నీమేన నివే
ఱాతిచన్నులనెట్టొత్తి ఱట్టుసేసేవే
యీతల శ్రీవెంకటేశు నెనసితి వింతలోనే
నీతితో యిప్పుడెట్లా నీవుమొక్కేవే
(||pallavi||)
mīlone kalimudiri meḍi dāyanu
jālidīra nĕḍuvalĕ sarasamāḍeve
(||mīlo||)
kappuramuvaṁṭi navvu kārīni sĕlavula
gŏppagŏppagannulanu kobamem̐ṭige
kuppĕ savarabubadim̐ gŏppuvaṭṭi tīsidivi
dĕpparabu sem̐tĕṭlām̐ dīrusugŏneve
(||mīlo||)
vuṭṭi tenĕvaṁṭi māḍalūrīni pĕdavula
tiṭṭulu nāligĕ nĕṭṭu dīgŏlibeve
paṭṭi baṁgārubāduga balimi menanūm̐ḍidi
yiṭṭi paṁtamādanigi nĕṭṭudiddeve
(||mīlo||)
rīdi jiruguvaṁṭidi regalu nīmena nive
ṟādisannulanĕṭṭŏtti ṟaṭṭuseseve
yīdala śhrīvĕṁkaḍeśhu nĕnasidi viṁtalone
nīdido yippuḍĕṭlā nīvumŏkkeve