మీ యిద్దరి విభవాలు నేము చూడవలదా
(॥పల్లవి॥)
మీ యిద్దరి విభవాలు నేము చూడవలదా
యీయెడ మమ్ము మన్నించి యింత సేయవయ్యా
(॥మీయి॥)
తలమోఁచి యెవ్వరైనఁ దమవారయ్యిన వారిఁ
బిలువక తాము దామే పెండ్లాడేరా
అలరి శ్రీవేంకటేశ ఆడకు మమ్ము రప్పించి
వలసినట్టు గరుడధ్వజమెత్తవయ్యా
(॥మీయి॥)
చెంది ఊడిగపువారు సేవ సేయకెవ్వరైన
అందముగ నేఁగుఁబెండ్లికంగవించేరా
అందపు శ్రీవేంకటేశ ఆడకు మమ్ము రప్పించి
విందులతోనిట్టే తిరువీదులేఁగవయ్యా
(॥మీయి॥)
పేరుకొని తమవద్దఁ బేరటాండ్లు పాడఁగాను
సారెకుఁ బెండ్లాడకున్న సంతసమౌనా
యీరీతి శ్రీవేంకటేశ యిద్దరు మమ్ము రప్పించి
ఆరితేరి బువ్వములు అవధరించివయ్యా
(||pallavi||)
mī yiddari vibhavālu nemu sūḍavaladā
yīyĕḍa mammu manniṁchi yiṁta seyavayyā
(||mīyi||)
talamom̐si yĕvvarainam̐ damavārayyina vārim̐
biluvaga tāmu dāme pĕṁḍlāḍerā
alari śhrīveṁkaḍeśha āḍagu mammu rappiṁchi
valasinaṭṭu garuḍadhvajamĕttavayyā
(||mīyi||)
sĕṁdi ūḍigabuvāru seva seyagĕvvaraina
aṁdamuga nem̐gum̐bĕṁḍligaṁgaviṁcherā
aṁdabu śhrīveṁkaḍeśha āḍagu mammu rappiṁchi
viṁduladoniṭṭe tiruvīdulem̐gavayyā
(||mīyi||)
perugŏni tamavaddam̐ beraḍāṁḍlu pāḍam̐gānu
sārĕgum̐ bĕṁḍlāḍagunna saṁtasamaunā
yīrīdi śhrīveṁkaḍeśha yiddaru mammu rappiṁchi
ārideri buvvamulu avadhariṁchivayyā