మేదిని జీవులఁ గావ మేలుకోవయ్యా
(॥పల్లవి॥)
మేదిని జీవులఁ గావ మేలుకోవయ్యా
నీ దయే మాకెల్ల రక్ష నిద్ర మేలుకోవయ్యా
(॥మేదిని॥)
తగుగోపికల కన్నుఁదామరలు వికసించె
మిగుల సూర్యనేత్రుఁడ మేలుకోవయ్యా
తెగువ రాక్షసులనే తిమిరము విరియఁగ
నెగడిన పరంజ్యోతి నిద్ర మేలుకోవయ్యా
(॥మేదిని॥)
ఘనదురితపు నల్లఁగలువలు వికసించె
మినుకు శశివర్ణుఁడ మేలుకోవయ్యా
పనివడి వేదాలనే పక్షులెల్లాఁ బలుకఁగ
జనక యాశ్రితపారిజాత మేలుకోవయ్య
(॥మేదిని॥)
వరలక్ష్మికుచచక్రవాకము లొండొంటి రాయ
మెరయు దోషారహిత మేలుకోవయ్యా
పొరసి నీవు నిత్యభోగములు భోగించ
నిరతి శ్రీవేంకటేశ నేఁడు మేలుకోవయ్యా
(||pallavi||)
medini jīvulam̐ gāva melugovayyā
nī daye māgĕlla rakṣha nidra melugovayyā
(||medini||)
tagugobigala kannum̐dāmaralu vigasiṁchĕ
migula sūryanetrum̐ḍa melugovayyā
tĕguva rākṣhasulane timiramu viriyam̐ga
nĕgaḍina paraṁjyodi nidra melugovayyā
(||medini||)
ghanaduridabu nallam̐galuvalu vigasiṁchĕ
minugu śhaśhivarṇum̐ḍa melugovayyā
panivaḍi vedālane pakṣhulĕllām̐ balugam̐ga
janaga yāśhridabārijāda melugovayya
(||medini||)
varalakṣhmigusasakravāgamu lŏṁḍŏṁṭi rāya
mĕrayu doṣhārahida melugovayyā
pŏrasi nīvu nityabhogamulu bhogiṁcha
niradi śhrīveṁkaḍeśha nem̐ḍu melugovayyā