మెచ్చితిరా నిన్ను నేను మేఁటి వౌదువు
(॥పల్లవి॥)
మెచ్చితిరా నిన్ను నేను మేఁటి వౌదువు
యిచ్చకురాల నైతిని యిఁకనేఁటి మాటలూ
(॥మెచ్చి॥)
మచ్చరముమాని నీతో మాటాడినది చాలక
కొచ్చి యంతలోనె నన్నుఁ గొంగువట్టేవు
యెచ్చి యెక్కినట్టివాని కేనుగ గుజ్జన్నమాఁట
యిచ్చట నీవల్లఁగంటి మిఁకనేఁటిమాటలు
(॥మెచ్చి॥)
చేయిచాఁచి నీమీఁద నేసవెట్టుట చాలక
కాయ మంటి బలిమిని కాఁగిలించేవు
చాయసందైతె చావడి చంకఁబెట్టుకొన్నమాట
యీయెడ నీయందె వున్న దిఁకనేఁటిమాటలు
(॥మెచ్చి॥)
కాఁకదీర నిన్ను నేను కదియుట చాలక
సోఁకనాఁడి నన్నుఁ గూడి చొక్కఁ జేసేవు
ఆఁక శ్రీవెంకటేశ పా లంటె గుటుకన్నమాట
యేఁకట నీజాడలాయ నిఁకనేఁటి మాటలు
(||pallavi||)
mĕchchidirā ninnu nenu mem̐ṭi vauduvu
yichchagurāla naidini yim̐kanem̐ṭi māḍalū
(||mĕchchi||)
machcharamumāni nīdo māḍāḍinadi sālaga
kŏchchi yaṁtalonĕ nannum̐ gŏṁguvaṭṭevu
yĕchchi yĕkkinaṭṭivāni kenuga gujjannamām̐ṭa
yichchaḍa nīvallam̐gaṁṭi mim̐kanem̐ṭimāḍalu
(||mĕchchi||)
seyisām̐si nīmīm̐da nesavĕṭṭuḍa sālaga
kāya maṁṭi balimini kām̐giliṁchevu
sāyasaṁdaidĕ sāvaḍi saṁkam̐bĕṭṭugŏnnamāḍa
yīyĕḍa nīyaṁdĕ vunna dim̐kanem̐ṭimāḍalu
(||mĕchchi||)
kām̐kadīra ninnu nenu kadiyuḍa sālaga
som̐kanām̐ḍi nannum̐ gūḍi sŏkkam̐ jesevu
ām̐ka śhrīvĕṁkaḍeśha pā laṁṭĕ guḍugannamāḍa
yem̐kaḍa nījāḍalāya nim̐kanem̐ṭi māḍalu