మెచ్చితి బళిరా వోరి మేటిజాణ నన్నుఁ
(॥పల్లవి॥)
మెచ్చితి బళిరా వోరి మేటిజాణ నన్నుఁ
బచ్చి చేసేదింత నీకుఁ బంతమా లోకానను
(॥మెచ్చి॥)
ఏకతాన సొలసి నేనేమి నీతోఁ బలికినా
ఆకెతోనే విన్నవించేవాపఁగ లేక
పైకొని వలచి కిందుపడిన యింతులమాఁట
కాకు సేసే మగవాఁడు గలఁడా లోకానను
(॥మెచ్చి॥)
చక్కఁగా నేఁదీసిన సన్నపు నీపై రేక
యెక్కువ నాకెకే చుపేవేతులకును
మక్కువ నిలుపలేని మగువల వెలిపుచ్చి
వెక్కమయినవాఁడు విభుఁడా లోకానను
(॥మెచ్చి॥)
ఉండలేక చేతనున్న వుంగరమిచ్చినఁ బోయి
వెండియు నాకెకేయిచ్చి విఱ్ఱవీఁగేవు
కండగట్టుకొంటివా వేంకటరమణుఁడ దీన
బండుసేసితివి నన్ను బాపురా లోకానను
(||pallavi||)
mĕchchidi baḽirā vori meḍijāṇa nannum̐
bachchi sesediṁta nīgum̐ baṁtamā logānanu
(||mĕchchi||)
egadāna sŏlasi nenemi nīdom̐ baliginā
āgĕdone vinnaviṁchevābam̐ga lega
paigŏni valasi kiṁdubaḍina yiṁtulamām̐ṭa
kāgu sese magavām̐ḍu galam̐ḍā logānanu
(||mĕchchi||)
sakkam̐gā nem̐dīsina sannabu nībai rega
yĕkkuva nāgĕge subevedulagunu
makkuva nilubaleni maguvala vĕlibuchchi
vĕkkamayinavām̐ḍu vibhum̐ḍā logānanu
(||mĕchchi||)
uṁḍalega sedanunna vuṁgaramichchinam̐ boyi
vĕṁḍiyu nāgĕgeyichchi viṭravīm̐gevu
kaṁḍagaṭṭugŏṁṭivā veṁkaḍaramaṇum̐ḍa dīna
baṁḍusesidivi nannu bāburā logānanu