(॥పల్లవి॥)
మఱియెందూ గతిలేదు మనుప నీవే దిక్కు
జఱసి లక్ష్మీశ నీ శరణమే దిక్కు
(॥మఱి॥)
భవసాగరంబులోఁబడి మునిఁగిన నాకు
తివిరి నీనామమను తేపయే దిక్కు
చివికి కర్మంబనెడి చిచ్చు చొచ్చిన నాకు
జవళి నాచార్యు కృపాజలధియే దిక్కు
(॥మఱి ॥)
ఘనమోహపాశముల గాలిఁ బొయ్యెడి నాకు
కొనల నీ పాదచింతకొమ్మయే దిక్కు
కనలి మనసనెడి యాకాసముననున్న నాకు
కనుఁగొనఁగ నీదాస్యగరుడఁడే దిక్కు
(॥మఱి ॥)
మరిగి సంసారమనెడి మంటికిందటి నాకు
ధర భక్తియను బిలద్వారమే దిక్కు
యిరవైన శ్రీవేంకటేశ యిన్నిటా నాకు-
నరుదైన నీవంతరాత్మవే దిక్కు
(||pallavi||)
maṟiyĕṁdū gadiledu manuba nīve dikku
jaṟasi lakṣhmīśha nī śharaṇame dikku
(||maṟi||)
bhavasāgaraṁbulom̐baḍi munim̐gina nāgu
tiviri nīnāmamanu tebaye dikku
sivigi karmaṁbanĕḍi sichchu sŏchchina nāgu
javaḽi nāsāryu kṛpājaladhiye dikku
(||maṟi ||)
ghanamohabāśhamula gālim̐ bŏyyĕḍi nāgu
kŏnala nī pādasiṁtagŏmmaye dikku
kanali manasanĕḍi yāgāsamunanunna nāgu
kanum̐gŏnam̐ga nīdāsyagaruḍam̐ḍe dikku
(||maṟi ||)
marigi saṁsāramanĕḍi maṁṭigiṁdaḍi nāgu
dhara bhaktiyanu biladvārame dikku
yiravaina śhrīveṁkaḍeśha yinniḍā nāgu-
narudaina nīvaṁtarātmave dikku