మఱి యేఁటివిన్నపము మాపు దాఁకాను
(॥పల్లవి॥)
మఱి యేఁటివిన్నపము మాపు దాఁకాను
కఱదలఁ బెట్టకింకఁ గావఁగదవయ్యా
(॥మఱి॥)
చెలి నిన్నుఁబాసివుండి చెమటముత్యాలు చల్లీ
వెలయఁ బారులు గుచ్చి వేసుకోవయ్యా
వెలవెలఁ బారుచు వెసఁ గప్పురాలంపే
వొలిసితే నీవు పెద్దవొడిగట్టుకోవయ్యా
(॥మఱి॥)
పొందులు నీవి దలఁచి పులకల విరులిచ్చీ
సందెఁడు దండలుగట్టి చాతుకోవయ్యా
సందడి నిట్టూర్పుల విసరుకో సురటిగట్టీ
చెంది అందుకును నీవు సేదదేరవయ్యా
(॥మఱి॥)
కూడఁగ నిన్నుఁ దలఁచి కోరికలఁ జిగిరించీ
వోడక బంతిగట్టుక వుంచుకోవయ్యా
యీడనె శ్రీ వేంకటేశ యింతినిట్టె యేలితివి
వాడకుండా బుజ్జగించి వరమియ్యవయ్యా
(||pallavi||)
maṟi yem̐ṭivinnabamu mābu dām̐kānu
kaṟadalam̐ bĕṭṭagiṁkam̐ gāvam̐gadavayyā
(||maṟi||)
sĕli ninnum̐bāsivuṁḍi sĕmaḍamutyālu sallī
vĕlayam̐ bārulu guchchi vesugovayyā
vĕlavĕlam̐ bārusu vĕsam̐ gappurālaṁpe
vŏliside nīvu pĕddavŏḍigaṭṭugovayyā
(||maṟi||)
pŏṁdulu nīvi dalam̐si pulagala virulichchī
saṁdĕm̐ḍu daṁḍalugaṭṭi sādugovayyā
saṁdaḍi niṭṭūrbula visarugo suraḍigaṭṭī
sĕṁdi aṁdugunu nīvu sedaderavayyā
(||maṟi||)
kūḍam̐ga ninnum̐ dalam̐si korigalam̐ jigiriṁchī
voḍaga baṁtigaṭṭuga vuṁchugovayyā
yīḍanĕ śhrī veṁkaḍeśha yiṁtiniṭṭĕ yelidivi
vāḍaguṁḍā bujjagiṁchi varamiyyavayyā